ଖଡିଆଳ କେନ୍ଦ୍ରୀୟ ବିଦ୍ୟାଳୟ ପରିସର ମଧ୍ୟରେ ବାର୍ଷିକ କ୍ରୀଡା ଅନୁଷ୍ଠିତ

ଖଡିଆଳ କେନ୍ଦ୍ରୀୟ ବିଦ୍ୟାଳୟ ପରିସର ମଧ୍ୟରେ ବାର୍ଷିକ କ୍ରୀଡା ଅନୁଷ୍ଠିତ ତା:୧୪.୧୨. ନୂଆପଡା ଜିଲ୍ଲା ଖଡିଆଳ କେନ୍ଦ୍ରୀୟ ବିଦ୍ୟାଳୟ ପରିସର ମଧ୍ୟରେ ବାର୍ଷିକ କ୍ରୀଡା ଅନୁଷ୍ଠିତ ହୋଇଯାଇଅଛି। ଏହି କ୍ରୀଡା ଉତ୍ସବ ରେ ବିଦ୍ୟାଳୟ ଅଧ୍ୟକ୍ଷ ଶ୍ରୀ ସଂଜୀବ କୁମାର ସାହୁ ମୁଖ୍ୟ ଅତିଥି ରୂପେ ଯୋଗ ଦେଇ ମଶାଲ ସ୍ଥାପନ କରିଥିଲେ। ପରେ କ୍ରୀଡା ପତାକା ଉତ୍ତୋଳନ କରିଥିବା ବେଳେ ବିଦ୍ୟାର୍ଥୀଙ୍କ ମିଳିତ ପ୍ୟାରେଡ ଅଭିବାଦନ ଗ୍ରହଣ କରିଥିଲେ। ଛାତ୍ର ଛାତ୍ରୀଙ୍କୁ ଉଦବୋଧନ ଦେଇ ବିଦ୍ୟାଳୟ ରେ ପୂର୍ଣ୍ଣାଙ୍ଗ ଶିକ୍ଷା ଛାତ୍ର ଛାତ୍ରୀଙ୍କ ଅନ୍ତର୍ନିହିତ ପ୍ରତିଭାର ଚୟନ ହେବା ସୁଯୋଗ ସୃଷ୍ଟି କରିଥାଏ ବୋଲି ମତବ୍ୟକ୍ତ କରିଥିଲେ। କ୍ରୀଡାବିତ ମନୋଭାବରେ ଖେଳ ଖେଳିବା ପାଇଁ ଆହ୍ବାନ କରିଥିଲେ। କ୍ରୀଡା ଶିକ୍ଷକ କରନ ସିଂ ଜୋରା ଙ୍କ ତତ୍ତ୍ଵାବଧାନରେ ଖୋ ଖୋ, କବାଡି, ୧୦୦, ୫୦ ମିଟର ଦୌଡ, ବେଙ୍ଗ ଡିଆଁ, ରିଲେ ରେସ୍ , ଡଜ ବଳ ଆଦି କ୍ରୀଡା ଅନୁଷ୍ଠିତ ହୋଇଥିଲା।କୃତି ଛାତ୍ର ଛାତ୍ରୀଙ୍କୁ ପ୍ରମାଣପତ୍ର ଏବଂ ପଦକ ପ୍ରଦାନ କରାଯାଇଛି ।ଉତ୍ସବ ରେ ଛାତ୍ର ଛାତ୍ରୀମାନେ ଉତ୍ସାହ ସହ ଯୋଗ ଦେଇ ଆନନ୍ଦିତ ଥିବା ଜଣାପଡିଛି।