ବିଜେଡିର ପ୍ରାଥମିକ ସଦସ୍ୟ ଭାବେ ରହିବାକୁ ଚାହୁଁନଥିବା କହି ଦଳରୁ ଇସ୍ତଫା ଦେଲେ ଅନନ୍ତରାମ ସିଂ

ମୁଁ’ ଆଉ ବିଜେଡିର ପ୍ରାଥମିକ ସଦସ୍ୟ ଭାବେ ରହିବାକୁ ଚାହୁଁନଥିବା କହି ଦଳରୁ ଇସ୍ତଫା ଦେଲେ ଅନନ୍ତରାମ ସିଂ l ନିଶ୍ଚିନ୍ତକୋଇଲି ବ୍ଲକ ବିଜେଡି ସଭାପତିଙ୍କୁ ଚିଠିଲେଖି ନିଜ ଅସନ୍ତୋଷ ଝାଡିଲେ ଅନନ୍ତ l ପଞ୍ଚାୟତ ସ୍ତରରୁ ବ୍ଲକ ପର୍ଯ୍ୟନ୍ତ ବିଭିନ୍ନ କ୍ଷେତ୍ରରେ ତା’ଙ୍କୁ ଅଣଦେଖା କରାଯିବା ନେଇ ସେ ଅସନ୍ତୋଷ ଥିଲେ l ଦଳରେ ଏକଛାତ୍ରବାଦ ଓ ମନମାନିକୁ ବିରୋଧ କରି ଆସୁଥିଲେ ଅନନ୍ତ l ଅସୁରେଶ୍ୱର ପଞ୍ଚାୟତର ପୂର୍ବତନ ସମିତି ସଭ୍ୟ ତଥା କଲେଜ ଛାତ୍ର ସଂସଦ ସଭାପତି ଥିଲେ ଅନନ୍ତ l ବିଜୁ ଜନତା ଦଳର ଜଣେ ଟାଣୁଆ ନେତା ତଥା ଲଢୁଆ ସଂଗଠକ ଭାବେ ବେଶ ଲୋକପ୍ରିୟ ଅନନ୍ତ ସିଂ l ଅସୁରେଶ୍ୱର ପଞ୍ଚାୟତର ସ୍ୱାଭିମାନ, ପରମ୍ପରା,ଐତିହ୍ୟ ଏବଂ ବିକାଶରେ ବାଧକ ସାଜିଥିବା ଶାସକ ଦଳର ଶୀର୍ଷ ନେତୃତ୍ୱଙ୍କ ଆଚରଣରେ କ୍ଷୁବ୍ଧ ଥିଲେ ଅନନ୍ତ l ଅସୁରେଶ୍ୱର ଅଂଚଳର ଉନ୍ନତିକୁ ନେଇ ଉଦାସୀନ ଭାବ ପ୍ରଦର୍ଶନ ଓ ଏହି ମାଟିର ବିକାଶରେ ବାଧକ ସାଜିଥିବା ନେତାଙ୍କ ବିରୁଦ୍ଧରେ ଲଢେଇ ପାଇଁ ମୁଁ’ ବିଜେଡିରୁ ଇସ୍ତଫା ଦେଉଛି ବୋଲି ଅନନ୍ତଙ୍କ ଆହ୍ୱାନ।