ଅଫିସ ଟଙ୍କା ନିଜେ ଚୋରି କରି ବନ୍ଧା ହେଲେ ଫାଇନାନ୍ସ କମ୍ପାନୀ କର୍ମଚାରୀ

ଅଫିସ ଟଙ୍କା ନିଜେ ଚୋରି କରି ବନ୍ଧା ହେଲେ ଫାଇନାନ୍ସ କମ୍ପାନୀ କର୍ମଚାରୀ। ଏପରି ଘଟଣା ଦେଖିବାକୁ ମିଳିଛି କେନ୍ଦୁଝର ଜିଲ୍ଲା ଆନନ୍ଦପୁରରେ। ଆନନ୍ଦପୁର ବ୍ରିଜ ଛକ ନିକଟସ୍ଥ ଗୌଡ଼ ସାହିରେ ଥିବା HDB ଫାଇନାନ୍ସ କମ୍ପାନୀର ଶାଖା ପରିଚାଳକଙ୍କ ଦ୍ୱାରା କାର୍ଯ୍ୟାଳୟରୁ ଲକ୍ଷାଧିକ ଟଙ୍କା ସମେତ ଲ୍ୟାପଟପ ଚୋରି ନେଇ ଆନନ୍ଦପୁର ଥାନାରେ ଲିଖିତ ଅଭିଯୋଗ ହୋଇଥିଲା। ଅଭିଯୋଗ କୁ ଆଧାର କରି ଆନନ୍ଦପୁର ପୋଲିସ ତଦନ୍ତ କରିବା ପରେ ସେହି ଫାଇନାନ୍ସ କମ୍ପାନୀର ଧାମନଗର ଅଞ୍ଚଳର ସିନିଅର ଲୋନ ମ୍ୟାନେଜର ଜନ୍ମେଜୟ ଦାସ ଟଙ୍କା ଚୋରି କରିଥିବା ନେଇ ପୁଲିସ ପ୍ରମାଣ ପାଇଥିଲା। ଜନ୍ମେଜୟ ୨ ଦିନ ଛୁଟି ନେଇ ରହିଥିବା ବେଳେ ରାତିରେ କାର୍ଯ୍ୟାଳୟ କୁ ଯାଇ ଇଲେକ୍ଟ୍ରି କଟରରେ ଆଲମିରାକୁ କାଟି ଟଙ୍କା ସମେତ ଲ୍ୟାପଟପ ଓ ମୋବାଇଲ ଚୋରାଇ ନେଇଥିଲେ। ତାଙ୍କ ନିକଟରୁ ୨ଲକ୍ଷ ୨୭ ହଜାର ୩୯୪ ଟଙ୍କା ସମେତ ଅନ୍ୟାନ୍ୟ ସାମଗ୍ରୀ ପୋଲିସ ଜବତ କରିବା ସହିତ ଗିରଫ କରି କୋର୍ଟ ଚାଲାଣ କରିଛି।