ରାଷ୍ଟ୍ରପତି ଦ୍ରୌପଦୀ ମୁର୍ମୁ ୩ନୂଆ ଅପରାଧିକ ବିଲ୍‌କୁ ଦେଲେ ମଞ୍ଜୁରୀ ଇଁରେଜ ଯୁଗରେ ତିଆରି

ରାଷ୍ଟ୍ରପତି ଦ୍ରୌପଦୀ ମୁର୍ମୁ ୩ ନୂଆ ଅପରାଧିକ ବିଲ୍‌କୁ ଦେଲେ ମଞ୍ଜୁରୀ ଇଁରେଜ ଯୁଗରେ ତିଆରି ତିନୋଟି ଆଇନ ବର୍ତ୍ତମାନ ସମାପ୍ତ ହୋଇଛି। ରାଷ୍ଟ୍ରପତି ଦ୍ରୌପଦୀ ମୁର୍ମୁ ୩ ନୂଆ ଅପରାଧିକ ବିଲ୍‌କୁ ଅନୁମୋଦନ କରିଛନ୍ତି। ରାଷ୍ଟ୍ରପତିଙ୍କ ମଞ୍ଜୁରୀ ସହିତ ଏହି ତିନୋଟି ବିଲ୍ ଏବେ ଆଇନରେ ପରିଣତ ହୋଇଛି। ଭାରତୀୟ ନ୍ୟାୟ ସଂହିତା, ଭାରତୀୟ ନାଗରିକ ସୁରକ୍ଷା ସଂହିତା ଏବଂ ଭାରତୀୟ ସାକ୍ଷ୍ୟ ସଂହିତାକୁ ଏହା ପୂର୍ବରୁ ସଂସଦର ଉଭୟ ଗୃହରେ ପାରିତ କରାଯାଇଥିଲା।କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଏହି ବିଲ୍‌କୁ ଐତିହାସିକ ବୋଲି ବର୍ଣ୍ଣନା କରି କହିଥିଲେ ଯେ ଏହି ଆଇନଗୁଡିକ ସହିତ ନାଗରିକଙ୍କ ଅଧିକାରକୁ ସର୍ବ ଉପରେ ରଖାଯିବ ଏବଂ ମହିଳା ଓ ଶିଶୁଙ୍କ ସୁରକ୍ଷାକୁ ପ୍ରାଥମିକତା ଦିଆଯିବ। ବର୍ତ୍ତମାନ ରାଷ୍ଟ୍ରପତିଙ୍କ ଅନୁମୋଦନ ମିଳିବା ପରେ ଏହି ତିନୋଟି ବିଲ୍ ଆଇନରେ ପରିଣତ ହୋଇଛି।ବର୍ତ୍ତମାନ ପରଠାରୁ ୧୮୬୦ରେ ତିଆରି ଆଇପିସିକୁ ଭାରତୀୟ ନ୍ୟାୟ ସଂହିତା, ୧୮୯୮ରେ ତିଆରି ସିଆର୍‌ପିସିକୁ ଭାରତୀୟ ନାଗରିକ ସୁରକ୍ଷା ସଂହିତା ଏବଂ ୧୮୭୨ର ଭାରତୀୟ ପ୍ରମାଣ ଆକ୍ଟକୁ ଭାରତୀୟ ସାକ୍ଷ୍ୟ ସଂହିତା ନାମରେ ଜଣାଯିବ।