ଯୁଦ୍ଧ ରୋକିବାକୁ ଆମେରିକାର ଶାନ୍ତି ପ୍ରସ୍ତାବକୁ ଇରାନର ପ୍ରତ୍ୟାଖ୍ୟାନ, ରଖିଲା ଏହି ୫ ସର୍ତ୍ତ…

ବର୍ତମାନ ସମୟରେ ଏକ ବଡ ଖବର ଏବେ ସାମ୍ନାକୁ ଆସୁଛି । ଇରାନ-ଆମେରିକାର ଆଲୋଚନାକୁ ନେଇ ଏହି ଖବର ଆସିଛି। ଇରାନ ଆମେରିକାର ୧୫ ସୂତ୍ରୀ ଶାନ୍ତି ପ୍ରସ୍ତାବକୁ ପ୍ରତ୍ୟାଖ୍ୟାନ କରିଛି। ଇରାନର ସରକାରୀ ଟିଭି ଏହି ଦାବି କରିଛି । ପ୍ରେସ ଟିଭି ଜଣେ ବରିଷ୍ଠ ଅଧିକାରୀଙ୍କ ସୂତ୍ରକୁ ଦେଇ କହିଛି ଯେ, ଇରାନ ଏହି ଯୁଦ୍ଧ ସମାପ୍ତ କରିବା ପାଇଁ ଆମେରିକାର ପ୍ରସ୍ତାବକୁ ନକାରାତ୍ମକ ପ୍ରତିକ୍ରିୟା ଦେଇଛି।

ଅଧିକାରୀ ଜଣକ କଡ଼ା ଶବ୍ଦରେ କହିଛନ୍ତି ଯେ, ଟ୍ରମ୍ପ ନୁହେଁ, ଇରାନ ନିଷ୍ପତ୍ତି ନେଲେ ଯୁଦ୍ଧ ଶେଷ ହେବ।

ପାକିସ୍ତାନ ମତାମତ ପ୍ରଦାନ କରିଛି…

ଏହି ସମୟରେ, ବେରୁତ-ଭିତ୍ତିକ ଟିଭି ଚ୍ୟାନେଲ ଅଲ୍ ମାୟାଦିନ୍ ରାଜନୈତିକ ଏବଂ ସୁରକ୍ଷା ସୂତ୍ର ଗୁଡ଼ିକୁ ଉଦ୍ଧୃତ କରି ରିପୋର୍ଟ କରିଛି ଯେ ଇରାନ ମଧ୍ୟସ୍ଥତା କରିବାକୁ ଚେଷ୍ଟା କରୁଥିବା ପାକିସ୍ତାନକୁ ଜଣାଇଛି ଯେ ସେ ଆଲୋଚନା ପାଇଁ ଆମେରିକାର ୧୫ ସୂତ୍ରୀ ପ୍ରସ୍ତାବକୁ ଗ୍ରହଣ କରିପାରିବ ନାହିଁ।

ଇରାନର ଆଭିମୂଖ୍ୟ ପରିବର୍ତ୍ତନ ହେବାର ସମ୍ଭାବନା ନାହିଁ…

ସୂତ୍ରକୁ ଉଦ୍ଧୃତ କରି ଚ୍ୟାନେଲଟି କହିଛି ଯେ, ଟ୍ରମ୍ପଙ୍କ ସ୍ୱତନ୍ତ୍ର ଦୂତ ଷ୍ଟିଭ୍ ୱିଟକଫ ମଧ୍ୟସ୍ଥତାଙ୍କ ମାଧ୍ୟମରେ ପଠାଯାଇଥିବା ପ୍ରସ୍ତାବ ଇରାନର ଆଲୋଚନା ପ୍ରାଥମିକତା ମଧ୍ୟରେ ନାହିଁ। ଇରାନ ବିଶ୍ୱାସ କରେ ଯେ ବର୍ତ୍ତମାନର ପରିସ୍ଥିତିରେ ପରିବର୍ତ୍ତନର ସମ୍ଭାବନା କମ୍ ଅଛି।

ଇରାନ ପାଞ୍ଚଟି ସର୍ତ୍ତ ରଖିଛି…

ଇରାନୀ ଗଣମାଧ୍ୟମ ରିପୋର୍ଟ ଅନୁସାରେ, ଯୁଦ୍ଧ ଶେଷ କରିବା ପାଇଁ ଇରାନ ସରକାର ପାଞ୍ଚଟି ସର୍ତ୍ତ ରଖିଛନ୍ତି । ଯାହା ହେଉଛି କି,’ଶତ୍ରୁ’ ଦ୍ୱାରା ସାମରିକ ଆକ୍ରମଣ ଏବଂ ହତ୍ୟା ଉପରେ ସମ୍ପୂର୍ଣ୍ଣ ବନ୍ଦ। ଭବିଷ୍ୟତରେ ଇରାନ ଉପରେ ପୁଣି ଯୁଦ୍ଧ ଲାଗୁ କରାଯିବ ନାହିଁ ବୋଲି ଏକ ଦୃଢ଼ ଗ୍ୟାରେଣ୍ଟି ଦିଆଯିବା ଉଚିତ। ଯୁଦ୍ଧରେ ହୋଇଥିବା କ୍ଷତି ପାଇଁ ଇରାନକୁ ସ୍ପଷ୍ଟ ଏବଂ ଗ୍ୟାରେଣ୍ଟି ଦିଆଯିବା ଉଚିତ। ଏହି କ୍ଷେତ୍ରର ସମସ୍ତ ପ୍ରତିରୋଧ ଗୋଷ୍ଠୀ ଉପରେ ଆକ୍ରମଣ ସମେତ ସମସ୍ତ ମୋର୍ଚ୍ଚାରେ ଯୁଦ୍ଧ ଶେଷ ହେବା ଉଚିତ। ହରମୁଜ୍ ପ୍ରଣାଳୀ ଉପରେ ଇରାନର ସାର୍ବଭୌମ ଅଧିକାର ଅନ୍ତର୍ଜାତୀୟ ସ୍ୱୀକୃତି ମାଧ୍ୟମରେ ସୁନିଶ୍ଚିତ କରାଯିବା ଉଚିତ ।