ନବରଙ୍ଗପୁର (ନବରଂଗପୁର): ନବରଙ୍ଗପୁର ଓରମାସ ଦ୍ବାରା ପ୍ରସ୍ତୁତ ‘ଇନ୍ଦ୍ରାବତୀ ପ୍ୟାକେଟ’ ଏବେ ବିଦେଶରେ ଚାହିଦା ବଢ଼ିବାରେ ଲାଗିଛି। ଲଣ୍ଡନରେ ଏବେ ଏହାର ଚାହିଦା ବଢ଼ିଛି। ତା ସହ ବିଦେଶର ବିଭିନ୍ନ କୋଣ ଅନୁକୋଣରେ ବି ଏହାର ବରାଦ ଆସିବାରେ ଲାଗିଛି। ବିଦେଶ ମାର୍କେଟରେ ଯୋଗାଇବା ପାଇଁ ନବରଙ୍ଗପୁର ଓରମାସ ଇ-ବ୍ୟବସାୟ ପାଇଁ ପ୍ରସ୍ତୁତି ପ୍ରକ୍ରିୟା ଆରମ୍ଭ କରିଛି।ଆଗାମୀଦିନରେ ଯେଭଳି ଅମାଜନ, ଫ୍ଲିପକାର୍ଟ ଆଦି ଇ-ବଜାରରେ ଓରମାସର ଇନ୍ଦ୍ରାବତୀ ପ୍ରବେଶ କରିବ ବୋଲି କହିଛନ୍ତି ଓରମାସର ଡେପୁଟି ସିଇଓ ରୋଶନ କୁମାର କାର୍ତ୍ତିକ।
ଓରମାସ ଏସଏଚଜି ଓ ଫାର୍ମସ ପ୍ରଡ୍ୟୁସର କମ୍ପାନିର କୃଷି ସମାଗ୍ରୀକୁ ପ୍ରୋତ୍ସାହିତ କରିବା ଆରମ୍ଭ କରିଛି। ସ୍ଥାନୀୟ ଅଂଚଳରେ ଉତ୍ପାଦିତ ମାଣ୍ଡିଆ, ମକା ଆଦିକୁ କିଣି ଏଫପିଓ ମାନେ ଏଥିରେ ମାଣ୍ଡିଆର ଚୁନା, ମୁଡୁକୁ, ମିକ୍ଚର, ମକା ମଂଜିର ଲଢ଼ୁ ଓ ମକାଜନା, ହଳଦୀ ଗୁଣ୍ଡ ଆଦି ବିଭିନ୍ନ ସ୍ନାକ୍ସକୁ ପ୍ୟାକେଜ୍ କରିଛନ୍ତି। ଗତ କିଛି ମାସ ତଳେ ଲଣ୍ଡନରେ ବସବାସ କରୁଥିବା ନବରଙ୍ଗପୁର ସହରର ଡ. ବିଭୁତି ପଟ୍ଟନାୟକ ଏଠାକୁ ଆସି ଡିସ୍କଭର ନବରଙ୍ଗପୁର କାର୍ଯ୍ୟକ୍ରମ ଆୟୋଜନ କରିଥିଲେ। ଏହି ଅବସରରେ ଡ.ପଟ୍ଟନାୟକଙ୍କୁ ନବରଙ୍ଗପୁର ଓରମାସ ତରଫରୁ ଉପହାରରେ ଦିଆଯାଇଥିଲା। ଏହା ପରେ ସେ କିଛି ପ୍ୟାକେଟ କିଣି ନେଇଥିଲେ।
More Stories
ପାକିସ୍ତାନକୁ ଶକ୍ତ ଝଟକା, ଦୋହାରେ ପ୍ରସ୍ତୁତ ହେବ ଇରାନ-ଆମେରିକା ବୁଝାମଣାର ଫାଇନାଲ ଡ୍ରାଫ୍ଟ…
ଶାରୀରିକ ସମ୍ପର୍କ ପାଇଁ ରାଜି ନହେବାରୁ ମହିଳାଙ୍କୁ ତଣ୍ଟିଚିପି ହତ୍ୟା
କାଳବୈଶାଖୀ ଝଡ଼ରେ ସୁନ୍ଦରଗଡ଼ ଏବଂ ବରଗଡ଼ ଜିଲ୍ଲାର ବିଦ୍ୟୁତ ଭିତ୍ତିଭୂମିରେ ଭୟାବହ କ୍ଷତି; ଦ୍ରୁତ ଗତିରେ ବିଦ୍ୟୁତ ସେବା ପୁନରୁଦ୍ଧାର ପାଇଁ ଟିପିଡବ୍ଲୁଓଡିଏଲର ତ୍ୱରିତ ପଦକ୍ଷେପ