ଗଞ୍ଜାମ ଜିଲା ଭଞ୍ଜନଗର ଥାନା ଅଞ୍ଚଳରେ ଏକ ଘୃଣ୍ୟ ଘଟଣା ଘଟିଛି। ଜଣେ ୪୦ ବର୍ଷର ବିବାହିତ ଯୁବକ ତାଙ୍କ ସାଙ୍ଗର ୪ ବର୍ଷର ଝିଅକୁ ବଳାତ୍କାର ଉଦ୍ୟମ କରିଥିବା ନେଇ ଅଭିଯୋଗ ହୋଇଛି। ପୋଲିସ ଗୁରୁବାର ଏନେଇ ଏକ ମାମଲା ରୁଜୁ କରି ଅଭିଯୁକ୍ତ ବୁଲୁ ଡାଙ୍ଗୁଆକୁ ଅଟକ ରଖି ପଚରାଉଚରା ଚଳାଇଛି।
ଘଟଣାରୁ ପ୍ରକାଶ ଯେ, ଅଭିଯୁକ୍ତ ବୁଲୁ ଏବଂ ତାଙ୍କ ସାଙ୍ଗ ମିଶି ମାଂସ ତରକାରୀ କରିବା ପାଇଁ ଯୋଜନା ହୋଇଥିଲା। ତେଣୁ ଅଭିଯୁକ୍ତ ବୁଲୁ ସାଙ୍ଗଙ୍କ ଘରେ ଥିଲେ। ସାଙ୍ଗ ଦୋକାନକୁ ମାଂସ ଆଣିବା ପାଇଁ ଚାଲିଯାଇଥିଲେ। ଏହି ସମୟରେ ଅଭିଯୁକ୍ତ ଜଣଙ୍କ ତାଙ୍କର ୪ ବର୍ଷର ଝିଅକୁ ଏକୁଟିଆ ଦେଖି ତାକୁ ବଳାତ୍କାର ଉଦ୍ୟମ କରିଥିଲେ। ସାଙ୍ଗ ଜଣଙ୍କ ମାଂସ ଧରି ଘରକୁ ଫେରିବା ପରେ ଝିଅ କାନ୍ଦୁଥିବା ଦେଖି ତାକୁ ମେଡିକାଲ ନେଇଥିଲେ। ମେଡିକାଲରେ ଝିଅ ଘଟଣା ସମ୍ପର୍କରେ କହିଥିଲେ। ଏହାପରେ ବାପା ହତୋତ୍ସାହିତ ହୋଇ ଅସୁସ୍ଥ ଝିଅକୁ ପ୍ରାଥମିକ ଚିକିତ୍ସା କରି ଘରକୁ ଚାଲି ଆସିଥିଲେ। ଏହାପରେ ଗୁରୁବାର ସକାଳେ ଗ୍ରାମରେ କଥା ପ୍ରଘଟ ହେବାରୁ ଅଭିଯୁକ୍ତଙ୍କୁ ଗ୍ରାମବାସୀ କାବୁ କରି ନିସ୍ତୁକ ମାଡ଼ ମାରିଥିଲେ। ଏହାପରେ ପୋଲିସ ସୂଚନା ପାଇ ଘଟଣାସ୍ଥଳରେ ପହଞ୍ଚି ଅଭିଯୁକ୍ତଙ୍କୁ ଥାନାକୁ ନେଇ ଆସିଥିଲେ। ଘଟଣାର ତଦନ୍ତ ଚାଲିଥିବାବେଳେ ପୋଲିସ ଆବଶ୍ୟକ କାର୍ଯ୍ୟାନୁଷ୍ଠାନ ଗ୍ରହଣ କରିବ ବୋଲି କହିଛି।
More Stories
ନିଦ ବଟିକା ଖୁଆଇବା ପରେ କରେଣ୍ଟ ଦେଇ ସ୍ବାମୀଙ୍କୁ ହତ୍ୟା
ବ୍ୟବସାୟୀ ଅପହରଣ ମାମଲା: ମହିଳା ପୋଲିସ ସବ୍ଇନ୍ସପେକ୍ଟରଙ୍କ ସହ ଜଣେ ସାମ୍ବାଦିକ ଗିରଫ, ୪କୁ ବୃଦ୍ଧି ପାଇଲା ସଂଖ୍ୟା
ସୁଭଦ୍ରା ହିତାଧିକାରୀଙ୍କ ପାଇଁ ଉପମୁଖ୍ୟମନ୍ତ୍ରୀଙ୍କ ବଡ଼ ଘୋଷଣା, ଏହି ଦିନ ମିଳିବ ପଞ୍ଚମ କିସ୍ତି ଟଙ୍କା