୭୦ ତମ ଜିଲ୍ଲା ସ୍ତରୀୟ ବିଦ୍ୟାଳୟ ସମୂହ କୃତି ଖେଳାଳି ଚୟନ ପ୍ରକ୍ରିୟା |

ସୁନ୍ଦରଗଡ଼ ଭବାନୀ ଭବନ ସ୍ପୋର୍ଟ୍ସ କଂପ୍ଲେକ୍ସ ଠାରେ ୭୦ ତମ ଜିଲ୍ଲା ସ୍ତରୀୟ ବିଦ୍ୟାଳୟ ସମୂହ କୃତି ଖେଳାଳି ଚୟନ ପ୍ରକ୍ରିୟା ଅନୁଷ୍ଠିତ ହୋଇଯାଇଛି l ୧୪ ବର୍ଷ ରୁ କମ ଏବଂ ୧୭ ବର୍ଷ ରୁ କମ ବାଳକ ବାଳିକା ମାନେ ଚୟନ ପ୍ରକ୍ରିୟାରେ ଭାଗ ନେଇଥିଲେ l ଏହି ଚୟନ ପ୍ରକ୍ରିୟାରେ ସିପକଟାକ୍ରୋ, ମୁଷ୍ଟିଯୁଦ୍ଧ, ତୀରନ୍ଦାଜ, ଟେବୁଲ ଟେନିସ, ବ୍ୟାଡ଼ମିଣ୍ଟନ ଓ ସାଇକେଲିଙ୍ଗ ଖେଳ ଚୟନ ପ୍ରକ୍ରିୟା ହୋଇଥିଲା l ବିଭିନ୍ନ ଖେଳରେ ପ୍ରାୟ ୩୦୦ ରୁ ଅଧିକ ଖେଳାଳି ଯୋଗଦାନ କରି ନିଜର ଦକ୍ଷତା ପ୍ରଦର୍ଶନ କରିଥିଲେ l ମୁଖ୍ୟ ଅତିଥି ଭାବେ ଜିଲ୍ଲା ଶିକ୍ଷା ଅଧିକାରୀ ମୁରଲୀଧର ବେହେରା ଯୋଗଦାନ କରି ଦ୍ବୀପ ପ୍ରଜ୍ଜଳନ କରି ଉଦଘାଟନ କରିଥିଲେ l ସମ୍ମାନିତ ଅତିଥି ଭାବେ ଜିଲ୍ଲା କ୍ରୀଡା ଶିକ୍ଷା ଅଧିକାରୀ ଅଜୟ ପ୍ରଧାନ ଓ ଟାଙ୍ଗରପାଲି ବ୍ଲକ ଶିକ୍ଷା ଅଧିକାରୀ ସିନି ବାଡା ଯୋଗଦାନ କରି ଖେଳାଳି ମାନଙ୍କୁ ଉତ୍ସlହିତ କରିଥିଲେ l ସିପକଟାକ୍ରୋ ଜାତୀୟ ରେଫରୀ କିରଣ ଶିଳା ବାର୍ଲା,ରାଜ୍ୟସ୍ତରୀୟ ରେଫରୀ ବିଜୟ ଲଷ୍ମୀ ନାଏକ, ହୁତାସନ ଦଣ୍ଡସେନା,କ୍ରୀଡା ଶିକ୍ଷକ ବିନତା ପଟେଲ, ଶିଲା ପଟେଲ, କାଦମ୍ବିନୀ ପଟେଲ, ରଜନୀକାନ୍ତ ପଟେଲ, ଅନୁପ ମହାପାତ୍ର,ହେମସାଗର ପଟେଲ, ମୁଷ୍ଟିଯୁଦ୍ଧ କୋଚ ରୂପକ କୁମାର ପ୍ରସାଦ ଓ ବିଭିନ୍ନ ବିଦ୍ୟାଳୟର କ୍ରୀଡା ଶିକ୍ଷକ ମାନେ ଖେଳ ପରିଚାଳନା କରିଥିଲେ l ଏଠାରେ ଯେଉଁ ଖେଳାଳି ମାନେ ଚୟନ ହେବେ ସେମାନେ ଆସନ୍ତା ରାଜ୍ୟ ସ୍ତରୀୟ ପ୍ରତିଯୋଗିତାରେ ଭାଗ ନେବେ ବୋଲି ଜିଲ୍ଲା କ୍ରୀଡା ଶିକ୍ଷା ଅଧିକାରୀ ସୂଚନା ଦେଇଛନ୍ତି l