ବେଆଇନ ମଦ ବିକ୍ରି ଅଭିଯୋଗରେ ଥାନାର ଦ୍ୱାରସ୍ଥ ହେଲେ ଶତାଧିକ ମହିଳା, କାର୍ଯାନୁଷ୍ଠାନ ପାଇଁ କଲେ ଦାବି

ବେଆଇନ ମଦ ବିକ୍ରି ଅଭିଯୋଗରେ ଥାନାର ଦ୍ୱାରସ୍ଥ ହେଲେ ଶତାଧିକ ମହିଳା । ସୁବର୍ଣ୍ଣପୁର ଜିଲ୍ଲା ବିନିକା ଥାନା ଝାରକଦଳୀପାଳି ଗ୍ରାମରେ ଦେଖିବାକୁ ମିଳିଛି ଅଭାବନୀୟ ଘଟଣା । ବେଆଇନ ଭାବରେ ମଦ ବିକ୍ରି କରାଯାଉଥିବାରୁ ଗ୍ରାମର ଅସାମାଜିକ କାର୍ଯକଳାପ ବୃଦ୍ଧି ପାଉଥିବା ଦେଖିବାକୁ ମିଳିଛି । ଯାହା ଫଳରେ ମହିଳାମାନେ ଅସୁରକ୍ଷିତ ମନେ କରୁଛନ୍ତି ।ପୂର୍ବରୁ ଅନେକ ଥର ଅବକାରୀ ଓ ପୋଲିସ ପାଖରେ ଅଭିଯୋଗ କଲେ ମଧ୍ୟ କୌଣସି କାର୍ଯାନୁଷ୍ଠାନ ହେଉନଥିବା କଥା ସାମ୍ନାକୁ ଆସିଥିଲା । ତେବେ କାର୍ଯ୍ୟନୁଷ୍ଠାନ ହେଉନଥିବାରୁ ଆଜି ବାଧ୍ୟ ହୋଇ ଗ୍ରାମର ଶତାଧିକ ମହିଳା ଥାନା ଓ ଅବକାରୀ ବିଭାଗ ପାଖରେ ମଦ ବିକ୍ରି ସମ୍ପୂର୍ଣ ଭାବରେ ବନ୍ଦ କରିବା ପାଇଁ ଲିଖିତ ଭାବରେ ଜଣାଇଛନ୍ତି ।