ଜନ ନାୟକନ’ଙ୍କ ଅଛି ଅପେକ୍ଷା ? ଜାଣିବା ଥଲାପତି ବିଜୟଙ୍କ ଏହି ହିଟ୍ ଫିଲ୍ମ |

 ସାଉଥ ସୁପରଷ୍ଟାର ଥଲାପତି ବିଜୟ କେବଳ ଜଣେ ଅଭିନେତା ନୁହେଁ, ବରଂ କୋଟି ହୃଦୟର ରାଜା । ଗତ କିଛିଦିନରୁ ତାଙ୍କ ଫିଲ୍ମ ‘ଜନ ନାୟକନ’ର ରିଲିଜ୍ ଡେଟ୍ ଘୁଞ୍ଚି ଘୁଞ୍ଚି ଯାଉଛି । ଫଳରେ ଫ୍ୟାନ୍ସଙ୍କୁ ତାଙ୍କ ଫିଲ୍ମ ଲାଗି ବହୁ ଅପେକ୍ଷା କରିବାକୁ ପଡ଼ୁଛି । ମାତ୍ର ବିଜୟ ଗତ କିଛି ବର୍ଷରୁ ଏଭଳି ଫିଲ୍ମ ଦେଇଛନ୍ତି ଯାହା ଦର୍ଶକଙ୍କ ହୃଦୟରେ ରହିଛି ।

ତାଙ୍କ ଦମଦାର୍ ଅଭିନୟ, ରୋମାନ୍ସ ଏବଂ ଭାବୁକ ଅଭିନୟ ପ୍ରତ୍ୟେକ ବର୍ଗର ଲୋକଙ୍କୁ ପସନ୍ଦ ଆସିଥାଏ । ଆସନ୍ତୁ ନଜର ପକାଇବା ବିଜୟଙ୍କ ଏଭଳି କିଛି ହିଟ୍ ଫିଲ୍ମ ଉପରେ ।

ଶାହଜହାଁ ଏକ ସୁନ୍ଦର ରୋମାଣ୍ଟିକ୍ ଫିଲ୍ମ ଅଟେ । ଯେଉଁଥିରେ ବିଜୟ ଜଣେ ସଚ୍ଚା ପ୍ରେମିକର ଚରିତ୍ରରେ ନଜର ଆସିଥିଲେ । ସେ ନିଜ ପ୍ରେମିକାର ଖୁସି ଲାଗି ସବୁ ଅସୁବିଧା ଉଠାଇବା ପାଇଁ ପ୍ରସ୍ତୁତ ରହୁଛନ୍ତି । ଫିଲ୍ମର କାହାଣୀ ଭାବନାରେ ଭରି ହୋଇ ରହିଛି ଏବଂ ହୃଦୟକୁ ଛୁଇଁ ଯାଉଛି ।ଘିଲ୍ଲୀ ଫିଲ୍ମରେ ବିଜୟ ଜଣେ କବାଡ଼ି ଖେଳାଳୀ ହୋଇଛନ୍ତି । ଯିଏ ଜଣେ ଯୁବତୀଙ୍କୁ ଦୁର୍ଦ୍ଦାନ୍ତ ଖଳନାୟକଙ୍କଠାରୁ ବଞ୍ଚାଉଛନ୍ତି । ଖେଳ, ରୋମାନ୍ସ ଏବଂ ଜବରଦସ୍ତ ଆକ୍ସନର ଏଭଳି କମ୍ବିନେଶନ ବହୁତ୍ କମ୍ ଫିଲ୍ମରେ ଦେଖିବାକୁ ମିଳିଥାଏ ।

ତିଋୁପାଚିରେ ବିଜୟ ଏକ ଏଭଳି ଭାଇର ଭୂମିକା ନିଭାଇଛନ୍ତି ଯାହା ନିଜ ଭଉଣୀର ସୁରକ୍ଷା ଲାଗି କୌଣସି ବି ସ୍ତରକୁ ଯାଇପାରେ । ଏହି ଫିଲ୍ମରେ ପରିବାର ଲାଗି ସମର୍ପଣ ଏବଂ ଭାଇ- ଭଉଣୀର ସମ୍ପର୍କକୁ ଦେଖାଯାଇଛି ।

ପୋକ୍କିରୀ ଫିଲ୍ମରେ ବିଜୟ ଜଣେ ପୁଲିସ ଅଫିସରର ଭୂମିକା ନିଭାଇଛନ୍ତି । ଯିଏ ଗ୍ୟାଙ୍ଗଷ୍ଟାରଙ୍କ ମଧ୍ୟରେ ରହି ତାଙ୍କ ବିରୁଦ୍ଧରେ ତଥ୍ୟ ଯୋଗାଡ଼ କରୁଛି । ଫିଲ୍ମରେ ଆକ୍ସନ ସହ କମେଡ଼ିର ତଡ଼କା ବି ରହୁଛି, ଯାହା ଏହାକୁ ସମ୍ପୂର୍ଣ୍ଣ ଭାବେ ମନୋରଞ୍ଜନ ଦେଉଛି । ଫିଲ୍ମ ଥୁପ୍ପକ୍କିରେ ବିଜୟ ଏକ ଆର୍ମି ଅଫିସରର ଭୂମିକା ନିଭାଉଛନ୍ତି । ଯିଏ ଦେଶକୁ ଅସୁବିଧାରେ ପକାଉଥିବା ସ୍ଲିପର ସେଲଙ୍କ ବିପକ୍ଷ ମିଶନରେ ବାହାରୁଛନ୍ତି। ଫିଲ୍ମର କାହାଣୀ ଦ୍ରୁତଗତିରେ ଏବଂ ପ୍ରତ୍ୟେକ ସିନରେ ସସ୍ପେନ୍ସ ରହୁଛି । ଥେରୀରେ ବିଜୟ ଏକ ଦାୟିତ୍ବବାନ ବାପା ଏବଂ କର୍ତ୍ତବ୍ୟରତ ପୁଲିସ ଅଧିକାରୀର ଭୂମିକାରେ ନଜର ଆସୁଛନ୍ତି । ଏହି ଫିଲ୍ମରେ ଇମୋଶନ ଏବଂ ଆକ୍ସନ ଉଭୟର ସନ୍ତୁଳନ ଦେଖିବାକୁ ମିଳୁଛି ।ଲିଓ ବି ବିଜୟଙ୍କ କ୍ୟାରିୟରର ମୁଖ୍ୟ ଫିଲ୍ମ ମାନଙ୍କ ମଧ୍ୟରୁ ଗୋଟିଏ । ଏହି ଫିଲ୍ମର ନିର୍ଦେଶନା ଲୋକେଶ କନଗରାଜ କରିଥିଲେ। ଫିଲ୍ମରେ ବିଜୟଙ୍କୁ ଏକ ଭିନ୍ନ ଅନ୍ଦାଜରେ ଦେଖିବାକୁ ମିଳୁଛି । ଯେଉଁଥିରେ ଆକ୍ସନ ସହ ବହୁ ଭାବନା ଯୋଡ଼ି ହୋଇ ରହିଛି ।