ଟି-ସାର୍ଟରୁ ମିଳିଲା ଚୋରଙ୍କ ସୁରାକ୍ : ୩ ବାଇକ ଜବତ, ୨ ଗିରଫ |

Spread the love

ଆନନ୍ଦପୁର, ୧୯।୩ : ଇଂରାଜୀ କ୍ୟାପିଟାଲ “ଏ” ଅକ୍ଷର ଥିବା ଟିସାର୍ଟ ପିନ୍ଧି ଚୋରି କରିଥିଲେ ବାଇକ୍ । ସେହି ଟି ସାର୍ଟ ହିଁ ଚୋର ପାଇଁ ହେଲା କାଳ । ସେହି ‘ଏ’ ଅକ୍ଷର ଟି ସାର୍ଟ ଏବେ ଚୋରକୁ ଧରାଇଦେଇେଛି । ଏଭଳି ଏକ ବାଇକ୍ ଚୋର ଓ ତାର କାରନାମାର ପର୍ଦାଫାସ୍ କରିଛି ଘଷିପୁରା ପୁଲିସ ।

ବୁଧବାର ରାତିରେ ଶୌଲିଙ୍ଗର ଏକ ଫିଟନେସ୍ ସେଣ୍ଟରରୁ ବାଇକ୍ ଚୋରି ହୋଇଥିଲା ।ଚୋରି ସମ୍ପର୍କରେ ଅଭିଯୋଗ ପାଇ ପୁଲିସ ଆରମ୍ଭ କରିଥିଲା ଯାଞ୍ଚ। ସିସିଟିଭି ଯାଞ୍ଚ ପରେ ଚୋର ଜଣକ ଇଂରାଜୀ ‘ଏ’ ଅକ୍ଷର ଲେଖାଥିବା ଟି-ସାର୍ଟ ପିନ୍ଧିଥିବା ପୁଲିସ ଜାଣିବାକୁ ପାଇଥିଲା। ଏହାକୁ ଆଧାର କରି ହାତୀଶିଳା ଗାଁ ର ଦୀପକ ରାଉତଙ୍କୁ ଧରିଥିଲା ପୁଲିସ। ଦୀପକ A ଅକ୍ଷର ଥିବା ଟିସାର୍ଟ ପିନ୍ଧି ଯେଉଁ ବାଇକ୍ ରେ ଆସିଥିଲା ତାହା ଚୋରା ବାଇକ୍ ବୋଲି ଜଣାପଡିଥିଲା।

ପରେ ପୁଲିସ ଅଧିକ ଖୋଳତାଡ କରି ୩ଟି ବାଇକ୍ ଜବତ କରିଥିଲା। ଏଥିସହ ଦୀପକର ସହଯୋଗୀ ରାମଚନ୍ଦ୍ରପୁର ଥାନା ପଥରପଦା ଗାଁ ର ପପୁନ ପେରେଇଙ୍କୁ ମଧ୍ୟ ଗିରଫ କରିଛି । ତେବେ ଆଳୁ ଖୋଳୁ ଖୋଳୁ ମହାଦେବ ଭଳି ଏହି ଗ୍ୟାଙ୍ଗରେ ଆଉ ୪ଜଣଙ୍କ ସମ୍ପର୍କରେ ମଧ୍ୟ ସୂଚନା ପାଇଛି ପୁଲିସ। ସେମାନଙ୍କୁ ଖୁବ୍ ଶୀଘ୍ର ଗରିଫ କରାଯିବ ବୋଲି ଆନନ୍ଦପୁର ଏସଡିପିଓ କହିଛନ୍ତି।

Post Views: 5