ନଗର ସଂକୀର୍ତ୍ତନ ଓ ଦଧି ହାଣ୍ଡି ଭାଙ୍ଗିବା ସହିତ ଉଦଯାପିତ ହେଲା ଷୋହଳ ପ୍ରହର ନାମଯଜ୍ଞ

ଲାଞ୍ଜିଗଡ଼,୧/୫(ରମେଶ ଚନ୍ଦ୍ର ନାୟକ): କଳାହାଣ୍ଡି ଜିଲ୍ଲା ଲାଞ୍ଜିଗଡ ବ୍ଲକ ବସନ୍ତପଡା ପଞ୍ଚାୟତର ବସନ୍ତପଡ଼ା ଗ୍ରାମ ପରିସର ଠାରେ ଅନୁଷ୍ଠିତ ଷୋହଳ ପ୍ରହରୀ ନାମଯଜ୍ଞ ଶୁକ୍ରବାର ନଗର ସଂକୀର୍ତ୍ତନ ଓ ଦଧି ହାଣ୍ଡି ଭାଙ୍ଗିବା ସହିତ ଉଦଯାପିତ ହୋଇଯାଇଛି I ୨୮ ତାରିଖ ମଙ୍ଗଳବାର ସନ୍ଧ୍ୟାରେ ଏଥିପାଇଁ
ସିନ୍ଧିବାହାଲି ନଦୀରୁ ପବିତ୍ର ଜଳ ସଂଗ୍ରହ କରି ଏକ ବର୍ଣ୍ଣାଢ୍ୟ କଳସ ଶୋଭାଯାତ୍ରା ଆୟୋଜିତ ହୋଇଥିଲା I ଷୋହଳ ପ୍ରହର ନାମଯଜ୍ଞ ପରିଚାଳନା କମିଟିର ସଭାପତି ରାଜେନ୍ଦ୍ର ମାଳିଙ୍କ ପ୍ରତ୍ୟକ୍ଷ ତତ୍ତ୍ବାବଧାନରେ ଆୟୋଜିତ କଳସ ଶୋଭାଯାତ୍ରା ହଜାର ହଜାର ମହିଳା ଭକ୍ତ ସାମିଲ ହୋଇଥିଲେ I ଶୁଭକଳସ ସ୍ଥାପନ ସହ ଅଧିବାସ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା I ୨୯ ତାରିଖ ବୁଧବାର ଦିନ ସକାଳ ୭ ଘଣ୍ଟା ୨୫ ମିନିଟ ସମୟରେ ନାମଯଜ୍ଞର ମହାମନ୍ତ୍ର କାର୍ଯ୍ୟାରମ୍ଭ କରାଯାଇଥିଲା I ଏଥିରେ କର୍ତ୍ତା ଭାବେ ରାଜେନ୍ଦ୍ର ମାଳି ଓ ଧର୍ମପତ୍ନୀ ପୂଲସ୍ଟି ମାଳି, ସହକର୍ତ୍ତା ଭାବେ ଭୁଜେନ୍ଦ୍ର ନାଏକ ଓ ଧର୍ମପତ୍ନୀ ଭଗବତୀ ନାଏକ ଦାୟିତ୍ବ ତୁଲାଉଥିବା ବେଳେ ପୂଜକ ଭାବେ କୈଳାସ ଚନ୍ଦ୍ର ଦାସ, ପ୍ରଶାନ୍ତ କୁମାର ଦାସ, ନିରଜ କୁମାର ଦାସ, ସନ୍ତୋଷ କୁମାର ଆଚାର୍ଯ୍ୟ, ମନିସ କୁମାର ମିଶ୍ର ପ୍ରମୁଖ ଦାୟିତ୍ବ ତୁଲାଇ ଥିଲେ I ଏହି ଷୋହଳ ପ୍ରହର ନାମଯଜ୍ଞରେ ବସନ୍ତପଡା ସମେତ ବିଭିନ୍ନ ଅଞ୍ଚଳର ୯ ଗୋଟି ସଂକୀର୍ତ୍ତନ ଦଳ ସାମିଲ ହେଇଥିଲେ I ୧ ତାରିଖ ଶୁକ୍ରବାର ସକାଳ ୭ ଘଣ୍ଟା ୨୫ ମିନିଟ ସମୟରେ ନାମ ସମାପ୍ତ ହୋଇଥିଲା ଏବଂ ଦଧି ହାଣ୍ଡି ଭାଙ୍ଗିବା ପରେ ସଂକୀର୍ତ୍ତନ ଦଳ ସହିତ ହଜାର ହଜାର ଶ୍ରଦ୍ଧାଳୁ ନଗର ସଂକୀର୍ତ୍ତନ କରି ଲାଞ୍ଜିଗଡ ସହର ପରିକ୍ରମା କରିଥିଲେ I ଷୋହଳ ପ୍ରହର ନାମଯଜ୍ଞ ପରିସରରେ ୨ ଦିନ ଧରି ପ୍ରସାଦ ସେବନର ବ୍ୟବସ୍ଥା କରାଯାଇଥିଲା ଓ ହଜାର ହଜାର ଶ୍ରଦ୍ଧାଳୁ ପ୍ରସାଦ ସେବନ କରିଥିଲେ I ଏହି କାର୍ଯ୍ୟକ୍ରମରେ ଷୋହଳ ପ୍ରହର ନାମଯଜ୍ଞ ପରିଚାଳନା କମିଟିର ସମସ୍ତ ସଦସ୍ୟ ଏବଂ ଲାଞ୍ଜିଗଡ, ବସନ୍ତ ପଡା ଅଞ୍ଚଳର ହଜାର ହଜାର ଶ୍ରଦ୍ଧାଳୁ ଉପସ୍ଥିତ ଥିଲେ।