ଜଣେ ମାଙ୍କ ଗର୍ଭ ରୁ ଏକା ସାଙ୍ଗେ ୩ ଶିଶୁକନ୍ୟା ଜନ୍ମ ।

ଜଣେ ମାଙ୍କ ଗର୍ଭ ରୁ ଏକା ସାଙ୍ଗେ ୩ ଶିଶୁକନ୍ୟା ଜନ୍ମ ।

ନୂଆପଡା

ନୂଆପଡା ଜିଲା ମୁଖ୍ୟ ଚିକିତ୍ସାଲୟରେ ଆଜି ଏକ ମାଁ ୩ ଟି ଶିଶୁ କନ୍ୟା ଜନ୍ମ ଦେଇଛନ୍ତି । ୩ ଜଣ ନବଜାତକ ଶିଶୁକନ୍ୟା ଜନ୍ମ ହୋଇଛନ୍ତି ବୋଲି ଖବର ପ୍ରଚାରିତ ହେଲା ପରେ ଦେଖିବା ପାଇଁ ଲୋକଙ୍କ ଭିଡ ଲାଗି ରହିଛି । ହେଲେ ଚିକିତ୍ସାଲୟ କର୍ମଚାରୀ ମାନେ ଦେଖି ଦେଉ ନାହାନ୍ତି । ପ୍ରାପ୍ତ ସୂଚନା ଅନୁଯାୟୀ ନୂଆପଡ଼ା ସଦର ବ୍ଳକ ଜାମପାଣି ଗାଁ ର ଦେଓସରନ ସାହୁଙ୍କ ସ୍ତ୍ରୀ ରାଜଶ୍ରୀ ସାହୁ (୨୩) ବୁଧବାର ସକାଳେ ଗର୍ଭ ଯନ୍ତ୍ରଣା ଅନୁଭବ କଲା ପରେ ସାଙ୍ଗେ ସାଙ୍ଗ ଜିଲ୍ଲା ମୁଖ୍ୟ ଚିକିତ୍ସାଲୟକୁ ଆଣି ଭର୍ତି କରିଥିଲେ । କିଛି ସମୟ ପରେ ନରମାଲି ଭାବରେ ସକାଳ ୮ ଟା ୨୧ ମିନିଟ ରେ ପ୍ରଥମ ଶିଶୁକନ୍ୟା ଜନ୍ମ ହେଇଥିବା ବେଳେ ଦ୍ବିତୀୟ କନ୍ୟା ୮ ଟା ୨୬ ରେ ଓ ୮ ଟା ୨୯ ରେ ତୃତୀୟ ଶିଶୁକନ୍ୟା ଜନ୍ମ ହୋଇଥିଲେ । ପ୍ରଥମ ଶିଶୁ କନ୍ୟାର ଓଜନ ୧ କିଲ୍ଲା ୯ ଶହ ୩୦ ଗ୍ରାମ ଥିବାବେଳେ ଦ୍ଵିତୀୟ ଶିଶୁ କନ୍ୟା ୧ କିଗ୍ରା ୯ ଶହ ୧୦ ଗ୍ରାମ ଓ ତୃତୀୟ କନ୍ୟା ୨ କିଲ୍ଲା ୨ ଶହ ଗ୍ରାମ ରହିଛି । ବର୍ତମାନ ୩ ଜଣ ନବଜାତ ଶିଶୁ କନ୍ୟା ସୁସ୍ଥ ଥିବା ଜଣା ପଢିଛି I ରାଜଶ୍ରୀଙ୍କ ଗର୍ଭ ରୁ ୨୦୨୨ ମାର୍ଚ୍ଚ ୧୯ ରେ ଏକ ଶିଶୁକନ୍ୟା ଜନ୍ମ ହେଇଥିଲେ । ଆଜି ୩ ଜଣ ଶିଶୁ କନ୍ୟା ଜନ୍ମ ଦେଇଛନ୍ତି । ୩ ଜଣ ଶିଶୁ କନ୍ୟା ମଧ୍ୟରୁ ୨ ଜଣ ଶିଶୁ ୨ କିଲୋଗ୍ରାମ ତଳକୁ ରହିଥ‌ିବାରୁ ଏସ ଏନସିୟୁ ଭିତରେ ରଖାଯିବା କଥା । ଏସଏନସିୟୁରେ ରଖନ୍ତୁ ବୋଲି କହି ବାହାରେ ରଖା ଯାଇଛି । ବାହାରେ ଥାଇ ମଧ୍ୟ ଶିଶୁ କନ୍ୟା ମାନଙ୍କୁ କର୍ମଚାରୀ ମାନେ ଦେଖାଇ ଦେଉ ନାହାନ୍ତି ବୋଲି ନବଜାତ ଶିଶୁକନ୍ୟାଙ୍କ ବାପା ଦେଓସରନ ସାହୁ ଅଭିଯୋଗ କରିଛନ୍ତି l

ନୂଆପଡ଼ା ରୁ ସୁରେଶ ଦଣ୍ଡସେନା ଙ୍କ ରିପୋର୍ଟ now odisha news