ପରଜଙ୍ଗ ବ୍ଲକ ବ୍ରାହ୍ମଣ ପରିବାରର ବୈଠକ ଅନୁଷ୍ଠିତ |

ଆମ ହିନ୍ଦୁ ସମାଜରେ ବସବାସ କରୁଥିବା ବିଭିନ୍ନ ଜାତି ମାନଙ୍କ ମଧ୍ୟରେ ବ୍ରାହ୍ମଣ ଜାତି ଅନ୍ୟତମ ରହିଛି । ଏହି ବ୍ରାହ୍ମଣ ପରିବାରକୁ ଏକତ୍ରିତ କରି ସେମାନଙ୍କୁ ମୁଖ୍ୟ ସ୍ରୋତରେ ସାମିଲ କରିବା ପାଇଁ ଢେ଼ଙ୍କାନାଳ ଜିଲ୍ଲା ପରଜଙ୍ଗ ବ୍ଲକ କୁମୁସି ଗାଁ ଜମ୍ବେଶ୍ୱର ମନ୍ଦିର ପ୍ରାଙ୍ଗଣରେ ଶୁକ୍ରବାର ଦିନ ବ୍ଲକ ବ୍ରାହ୍ମଣ ପରିବାରକୁ ନେଇ ଏକ ବୈଠକ ଅନୁଷ୍ଠିତ ହୋଇଯାଇଛି । “ଏକତା ହିଁ ବଳ ” ଏହାର ତାତ୍ପର୍ଯ୍ୟ ହେଉଛି ଯେଉଁ ସମାଜ ଏକତା ହୋଇ ରହିଛି ସେହି ସମାଜ ଶକ୍ତିଶାଳୀ ହୋଇଥାଏ , ବର୍ତ୍ତମାନ ପରିସ୍ଥିତିରେ ବ୍ରାହ୍ମଣ ସମାଜ ଏକତ୍ରିତ ହୋଇ ଏକତାର ସଂକଳ୍ପ ନେଇ ଆମ ପରିବାରର ସଂସ୍କୃତି , ଶିକ୍ଷା ଓ ଧର୍ମକୁ ଦୃଢୀଭୂତ କରିବା ପାଇଁ ଏହି ବୈଠକର ମୁଖ୍ୟ ଉଦ୍ଦେଶ୍ୟ ରହିଥିଲା । ବ୍ଳକର ସମସ୍ତ ବ୍ରାହ୍ମଣ ପରିବାରକୁ ଏକତ୍ରିତ କରି ଗୋଟିଏ ମଞ୍ଚରେ ଏକାଠି ହେବା , ଯୁବପୀଢ଼ି ମାନଙ୍କୁ ସଂସ୍କୃତି , ସମାଜ ସେବା ଏବଂ ଧାର୍ମିକ ମୂଲ୍ୟ ସହିତ ଯୋଡି ହେବା ,ପରଜଙ୍ଗ ବ୍ଳକରୁ ଆରମ୍ଭ କରି ଜିଲ୍ଳା ଓ ରାଜ୍ୟ ସ୍ତରରେ ଏକତ୍ରିତ ହୋଇ ସମାଜକୁ ସୁଦୃଢ଼ ସଂଗଠନ ଗଢ଼ିବା ପ୍ରଭୃତି ଉକ୍ତ ବୈଠକରେ ମୁଖ୍ୟ ପ୍ରସଙ୍ଗ ଉପରେ ଆଲୋକପାତ ହୋଇଥିଲା । ପରଷ୍ପର ଭାତୃଭାବ ରଖିବା ,ଅଯଥା ବାଦବିବାଦ ସୃଷ୍ଟି ନକରିବା , ହିଂସା କପଟ ଠାରୁ ଦୂରେଇ ରହିବା ଏହି ପରି କେତେକ ସମସ୍ୟା ଉପରେ ବିସ୍ତୃତ ଆଲୋଚନା କରାଯାଇଥିଲା । ଅନୁଷ୍ଠିତ ବୈଠକରେ ବ୍ଲକ ବ୍ରାହ୍ମଣ ପରିବାରର ପ୍ରଶାନ୍ତ କୁମାର ଶତପଥୀ ,ସୁଜିତ୍ କୁମାର ପଣ୍ଡା ,ରମେଶ ଚନ୍ଦ୍ର ମିଶ୍ର , ସନ୍ତୋଷ କୁମାର ପାଣି ,କୃଷ୍ଣ ଚନ୍ଦ୍ର ପଣ୍ଡା ,ସୁବାସ ବିହାରୀ ପଣ୍ଡା , ଗୋକୁଳ ଚନ୍ଦ୍ର ପଣ୍ଡା ,ସୁଧାକର ପଣ୍ଡା ,ହେମନ୍ତ କୁମାର ଧର , ମୂରଲୀଧର ଧର ,ରଞ୍ଜନ କୁମାର ଧର ପ୍ରମୁଖ ବ୍ରାହ୍ମଣ ପରିବାରକୁ ଏକତ୍ରିତ କରିବା ଓ ଆଗାମୀ ଦିନରେ ଏହାକୁ କାର୍ଯ୍ୟରେ ପରିଣତ କରିବାକୁ ନିଜ ନିଜର ରଣକୌଶଳ ଉପରେ ମାର୍ଗଦର୍ଶନ ଦେଇଥିଲେ ।ଉକ୍ତ ବୈଠକରେ ବ୍ଲକର ବିଭିନ୍ନ ଗ୍ରାମରୁ ଶତାଧିକ ମହିଳା ଓ ପୁରୁଷ ମାନେ ଉପସ୍ଥିତ ଥିବା ବେଳେ ବ୍ରାହ୍ମଣ ପରିବାରର ଯୁବ ଉଦ୍ୟୋକ୍ତା ସୁଜିତ୍ କୁମାର ପଣ୍ଡାଙ୍କ ତତ୍ବାବଧାନରେ ଉକ୍ତ ବୈଠକ ଅନୁଷ୍ଠିତ ହୋଇଥିଲା ।