ଓଡ଼ିଶାରେ ୬ ସେପ୍ଟେମ୍ବର ପର୍ଯ୍ୟନ୍ତ ବର୍ଷାର ପୂର୍ବାଭାସ
ଭୁବନେଶ୍ୱର: ରାଜ୍ୟରେ ପୁନର୍ବାର ବର୍ଷାର ପ୍ରଭାବ ଦେଖାଦେଇଛି। ଭାରତୀୟ ଆବହା ବିଭାଗ (IMD) ସୂଚନା ଅନୁସାରେ, ୬ ସେପ୍ଟେମ୍ବର ପର୍ଯ୍ୟନ୍ତ ଓଡ଼ିଶାର ବିଭିନ୍ନ ଜିଲ୍ଲାରେ ଅଧିକାଂଶ ସ୍ଥାନରେ ବର୍ଷା ହେବାର ସମ୍ଭାବନା ରହିଛି।
IMD ପକ୍ଷରୁ ଜାରି ହୋଇଥିବା ପୂର୍ବାଭାସ ଅନୁଯାୟୀ, ସୁନ୍ଦରଗଡ, ଝାରସୁଗୁଡା, ସମ୍ବଲପୁର, ବଲାଙ୍ଗିର, କଟକ, ପୁରୀ, ନୟାଗଡ଼ ସହ ଅନ୍ୟାନ୍ୟ ଜିଲ୍ଲାରେ ବଜ୍ରାବୃଷ୍ଟି ସହ ବର୍ଷା ହେବାର ଆଶା କରାଯାଇଛି। କିଛି ଜିଲ୍ଲା ପାଇଁ ଓରେଞ୍ଜ ଆଲର୍ଟ, ଅନ୍ୟାନ୍ୟ ପାଇଁ ଇୟେଲୋ ଆଲର୍ଟ ଜାରି କରାଯାଇଛି।
ଆବହା ବିଭାଗ ଏହି ସମୟରେ ୩୦ରୁ ୪୦ କି.ମି. ବେଗର ପବନ ସହିତ ମଧ୍ୟମ ଓ ଭାରୀ ବର୍ଷାର ସତର୍କତା ଦେଇଛି। ଏହି ପରିସ୍ଥିତିରେ ନିମ୍ନାଞ୍ଚଳରେ ଜଳଜମା, କିଛି ସ୍ଥାନରେ ଗଛ ଭଙ୍ଗି ପଡ଼ିବା ଓ ଯାତାୟାତରେ ବାଧା ସୃଷ୍ଟି ହେବାର ଆଶଙ୍କା ରହିଛି।
ବର୍ଷାରୁ କୃଷକମାନେ ଲାଭାନ୍ବିତ ହେବେ ବୋଲି କୁହାଯାଉଥିବାବେଳେ, ସାଧାରଣ ଜନଜୀବନରେ କିଛି ଅସୁବିଧା ସୃଷ୍ଟି ହେବା ଅପେକ୍ଷିତ। ପ୍ରଶାସନ ପକ୍ଷରୁ ସାଧାରଣଙ୍କୁ ସଚେତନ ରହିବାକୁ ଓ ଅତ୍ୟାବଶ୍ୟକ କାରଣରେ ଛାଡ଼ି ବାହାରକୁ ନ ଯିବାକୁ ପରାମର୍ଶ ଦିଆଯାଇଛି।
More Stories
ଇତିହାସରୁ ପ୍ରେରଣା ନେଇ ଭବିଷ୍ୟତର ଓଡ଼ିଶା ପାଇଁ ସେତୁବନ୍ଧ ତିଆରି କରିବା : ଧର୍ମେନ୍ଦ୍ର ପ୍ରଧାନ
କାନ୍ସରେ ଐଶ୍ୱର୍ଯ୍ୟାଙ୍କ ଜଲୱା: ହାତତିଆରି ବ୍ଲୁ ଗାଉନ୍ ପାଇଁ ଲାଗିଥିଲା ୧୫୦୦ ଘଣ୍ଟା
ସୂର୍ଯ୍ୟଙ୍କ ପ୍ରଖର କିରଣରେ ଜଳୁଛି ଓଡ଼ିଶା