ଯାଜପୁରରୁ ୫୨ ଗ୍ରାମ ବ୍ରାଉନସୁଗାର ଜବତ; ବନ୍ଧା ହେଲେ ୩ |

ଯାଜପୁର: ଯାଜପୁରରେ ଅବକାରୀ ବିଭାଗ ଅଧିକାରୀମାନେ ୫୨ ଗ୍ରାମ ବ୍ରାଉନସୁଗାର ଜବତ ଘଟଣାରେ ତିନି ଜଣଙ୍କୁ ଗିରଫ କରିଛନ୍ତି।

ସୂଚନା ଅନୁଯାୟୀ, ଯାଜପୁର ଟାଉନ୍ ଥାନା ଅନ୍ତର୍ଗତ ବଲ୍ଲଭୀ ଘାଟ ନିକଟରେ ଅବକାରୀ ଅଧିକାରୀମାନେ ବିଶ୍ଵସ୍ତ ସୂତ୍ରରୁ ଖବର ପାଇ ଚଢାଉ କରିଥିଲେ। ଅଭିଯୁକ୍ତମାନେ ଏକ ମୋଟରସାଇକେଲରେ ବସି ବ୍ରାଉନସୁଗାର ବିକ୍ରି କରୁଥିଲା ବେଳେ ଅଧିକାରୀମାନେ ସେମାନଙ୍କୁ ଧରିଥିଲେ।

ଅଧିକାରୀଙ୍କ ଅନୁଯାୟୀ, ଜବତ ନିଶା ଦ୍ରବ୍ୟର ଅବୈଧ ବଜାରରେ ମୂଲ୍ୟ ପ୍ରାୟ ୫.୨୦ ଲକ୍ଷ ଟଙ୍କା ହେବ। ଜବତ ପରେ ଅବକାରୀ ବିଭାଗ ସମସ୍ତ ତିନି ଜଣଙ୍କୁ ଗିରଫ କରି ନ୍ୟାୟିକ ପ୍ରକ୍ରିୟା ପାଇଁ କୋର୍ଟକୁ ପଠାଇଥିବା ଜଣାପଡ଼ିଛି।