ନେପାଳ ଗୃହମନ୍ତ୍ରୀଙ୍କ ଇସ୍ତଫା: ବିକ୍ଷୋଭରେ ୨୦ ଜଣଙ୍କ ମୃତ୍ୟୁ ପରେ ନିଷ୍ପତ୍ତି…..

 
କାଠମାଣ୍ଡୁ,୮।୯: ନେପାଳର ଗୃହମନ୍ତ୍ରୀ ରମେଶ ଲେଖକ ସୋମବାର କାଠମାଣ୍ଡୁ ସମେତ ବିଭିନ୍ନ ସହରରେ ହୋଇଥିବା ବିକ୍ଷୋଭ ଯୋଗୁଁ ୧୮ ଜଣଙ୍କ ମୃତ୍ୟୁ ଘଟଣା ପରେ ନୈତିକ ଦାୟିତ୍ୱ ନେଇ ପଦତ୍ୟାଗ କରିଛନ୍ତି। କଂଗ୍ରେସ ପାର୍ଟିର ଅଧିକାରୀଙ୍କ ସହ ଏକ ବୈଠକରେ ଲେଖକ ଏହି ଜୀବନହାନିକୁ “ଅକଳ୍ପନୀୟ” ବୋଲି ବର୍ଣ୍ଣନା କରି ସରକାରଙ୍କ ଘଟଣା ନିୟନ୍ତ୍ରଣ ପ୍ରତି ତୀବ୍ର ସମାଲୋଚନା ପରେ ଇସ୍ତଫା ଦେବାକୁ ନିଷ୍ପତ୍ତି ନେଇଥିଲେ।
ସୂଚନା ଅନୁଯାୟୀ, ସୋସିଆଲ ମିଡିଆ ପ୍ଲାଟଫର୍ମ ଉପରେ ବ୍ୟାନ ଓ ଦୁର୍ନୀତି ବିରୋଧରେ ହୋଇଥିବା ଏହି ବିକ୍ଷୋଭ ତୀବ୍ର ହୋଇ ପଡ଼ିଥିଲା। ପୋଲିସ ୱାଟର କ୍ୟାନନ, ଟିୟର ଗ୍ୟାସ ଓ ରବର ବୁଲେଟ ବ୍ୟବହାର କରିଥିଲା, ଯେଉଁଥିରେ ୩୪୭ ଜଣ ଆହତ ହୋଇଥିଲେ। ଏହି ଘଟଣା ନେପାଳରେ ରାଜନୈତିକ ଅସ୍ଥିରତାକୁ ଆହୁରି ବୃଦ୍ଧି କରିଛି।