ସୁପ୍ରିମକୋର୍ଟରେ ହାଇପ୍ରୋଫାଇଲ ଶୁଣାଣି, ନିଜ ପକ୍ଷ ରଖିବାରେ ମୁଖ୍ୟମନ୍ତ୍ରୀଭାବେ ମମତା ବାର୍ନାଜୀ ପ୍ରଥମ |

ଭାରତର ରାଜନୀତି ଓ ନ୍ୟାୟପାଳିକା ଇତିହାସରେ ଆଜି ପ୍ରଥମଥର ପାଇଁ ଜଣେ ମୁଖ୍ୟମନ୍ତ୍ରୀ ତାଙ୍କର ପକ୍ଷ ସୁପ୍ରିମକୋର୍ଟରେ ରଖିଛନ୍ତି ।ଏସଆଇଆର ବିରୋଧରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ସୁପ୍ରିମକୋର୍ଟରେ ଦାୟର କରିଥିବା ପିଟିସନ ଉପରେ ପ୍ରଥମ ଶୁଣାଣି କରାଯାଇଛି । ନିଜେ ଉପସ୍ଥିତ ରଖି ନିଜ ପକ୍ଷ ରଖିଛନ୍ତି ମମତା ।ଯାହାକୁ ଆଧାର କରି ନିର୍ବାଚନ କମିଶନଙ୍କଠୁ ଜବାବ ମାଗିଛନ୍ତି ସୁପ୍ରିମକୋର୍ଟ ।ପିଟିସନ ଉପରେ ଶୁଣାଣି କରି କୋର୍ଟ ଇସିଆଇଙ୍କୁ ନୋଟିସ ପଠାଇ ଜବାବ ମାଗିଛନ୍ତି । ସୋମବାର ହେବ ପରବର୍ତ୍ତୀ ଶୁଣାଣି । ଏସଆଇଆର ବିରୋଧରେ ମୋର୍ଚ୍ଚା ଖୋଲିଛନ୍ତି ମମତା । ଏସଆଇଆରକୁ ଏକ ପକ୍ଷପାତିତା ପ୍ରକ୍ରିୟାର ନାଁ ଦେଇଛନ୍ତି ପଶ୍ଚିମବଙ୍ଗ ସରକାର । କିନ୍ତୁ ଏହାକୁ ଦେଶହିତ ଓ ସ୍ବଚ୍ଚ ପ୍ରକିୟା ବୋଲି ଦାବି କରୁଛନ୍ତି ସରକାର ।ସରକାରଙ୍କ ଯୁକ୍ତି କି ବେଆଇନଭାବେ ଦେଶରେ ରହୁଥିବା ଶରଣାର୍ଥୀଙ୍କୁ ଚିହ୍ନଟ କରାଯିବ । ଏମାନଙ୍କୁ ନିର୍ବାଚନରୁ ବାଦ୍‌ ଦିଆଯିବ । ମମତା ବାନାର୍ଜୀଙ୍କ ନକଲି ପରିଚୟ ପତ୍ର ଦେଇ ରାଜ୍ୟରେ ଶରଣାର୍ଥୀଙ୍କୁ ରଖିଛନ୍ତି । ସେମାନଙ୍କଠୁ ବିପୁଳ ଭୋଟ୍‌ ପାଉଛନ୍ତି । ଏସ୍‌ଆଇଆର୍‌ ଅଯୋଗ୍ୟ ଭୋଟରଙ୍କ କାଟ୍‌ଛାଟ୍‌ କରିବ । ତେଣୁ ଏସ୍‌ଆଇଆର୍‌କୁ ବିରୋଧ କରୁଛନ୍ତି ମମତା । ଏବେ ଦେଖିବାକୁ ଅପେକ୍ଷା ଏସଆଇଆରକୁ ନେଇ କୋର୍ଟ ଲଢ଼େଇ କେଉଁ ମୋଡ ନେଉଛି ।