କୁବେର ଯନ୍ତ୍ରୀଙ୍କ ଆୟ ୭୯୮%‌ ଅଧିକ |

ଭୁବନେଶ୍ୱର, ୦୭/୦୬: ବାଲିଗୁଡ଼ା ITDA ସହକାରୀ ନିର୍ବାହୀ ଯନ୍ତ୍ରୀ ବୈକୁଣ୍ଠନାଥ ବେହେରା ଗିରଫ। ଆୟ ବହିର୍ଭୂତ ସଂପତ୍ତି ଠୁଳ ଅଭିଯୋଗରେ AEEଙ୍କୁ ଗିରଫ କରି କୋର୍ଟ ଚାଲାଣ କରିଛି ଭିଜିଲାନ୍ସ। ଗିରଫ ସହକାରୀ ନିର୍ବାହୀ ଯନ୍ତ୍ରୀ ବୈକୁଣ୍ଠ ନାଥ ବେହେରାଙ୍କ ଆୟ ୭୯୮% ଅଧିକ।‌ ଘରେ ଓ ଅଫିସ୍‌ ଖାନ୍‌ତଲାସ ପରେ ଭିଜିଲାନ୍ସ ବିଭାଗ ପକ୍ଷରୁ ସୂଚନା ଦିଆଯାଇଛି।AEEଙ୍କର ୫ଟି ବହୁତଳ କୋଠା ସହ ୧୪ଟି ମୂଲ୍ୟବାନ ପ୍ଲଟ୍ ଅଛି। ୨ଟି ବ୍ୟାଙ୍କ ଲକର୍‌ରୁ ନଗଦ ୨ କୋଟି ୪ ଲକ୍ଷ ଟଙ୍କା ଠାବ ହୋଇଛି। ୫୫୨ ଗ୍ରାମ୍‌ ସୁନା ଓ ୪୫ ଲକ୍ଷ ଟଙ୍କା ଜମା ରାଶି ମଧ୍ୟ ମିଳିଛି। ତେବେ ପତ୍ନୀଙ୍କ ନାଁରେ ଥିବା ଆଉ ଏକ ଲକରକୁ ଏପର୍ଯ୍ୟନ୍ତ ଖୋଲିନି ଭିଜିଲାନ୍ସ। ଗତ ଦୁଇ ଦିନ ହେଲା ତାଙ୍କର ସମ୍ପତ୍ତିର ଆକଳନ ଚାଲିଛି।