ସଂସଦ ଏକ ନାଟକର ମଞ୍ଚ ନୁହେଁ, ସଂସଦରେ କାର୍ଯ୍ୟ ହେବା ଉଚିତ : ପ୍ରିୟଙ୍କା ଗାନ୍ଧୀ

ଏହାର ଜବାବରେ କଂଗ୍ରେସ ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧୀ ଭଦ୍ରା କହିଛନ୍ତି ଯେ, ସଂସଦରେ ଭୋଟର ତାଲିକାର ସ୍ୱତନ୍ତ୍ର ସଂଶୋଧନ (ଏସ୍ଆଇଆର୍) ଓ ବାୟୁ ପ୍ରଦୂଷଣ ଭଳି ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉଠାଇବା କେବେ ଏକ ନାଟକ ନୁହେଁ। ୱାୟନାଡ଼ କଂଗ୍ରେସ ସାଂସଦ ମଧ୍ୟ କହିଛନ୍ତି ଯେ, ନିର୍ବାଚନ ପରିସ୍ଥିତି, ଏସ୍ଆଇଆର୍ ଓ ପ୍ରଦୂଷଣ ବଡ଼ ପ୍ରସଙ୍ଗ ଏବଂ ଏହା ନାଟକ ନୁହେଁ।

ପ୍ରଧାନମନ୍ତ୍ରୀ ମୋଦୀ ଆହୁରି କହିଛନ୍ତି ଯେ, ସଂସଦରେ ସ୍ଲୋଗାନ ନୁହେଁ, ବରଂ ନୀତି ଉପରେ ଗୁରୁତ୍ୱ ଦିଆଯିବା ଉଚିତ। ସେହିପରି ସାଂସଦମାନେ ନିଜ ନିଜ ନିର୍ବାଚନମଣ୍ଡଳୀ ପ୍ରସଙ୍ଗରେ କହିବାର ସୁଯୋଗ ପାଇପାରୁ ନ ଥିବାରୁ ନିରାଶ ହେଉଛନ୍ତି ବୋଲି ସେ ମତ ଦେଇ କହିଛନ୍ତି ଯେ ସେମାନଙ୍କୁ ଏହି ସୁଯୋଗ ଦିଆଯିବା ଉଚିତ।

ଉଲ୍ଲେଖଯୋଗ୍ୟ ଯେ, ଚଳିତ ଶୀତକାଳୀନ ଅଧିବେଶନରେ ମୋଟ ୧୫ଟି ବୈଠକ ହେବ। ନିକଟ ଅତୀତରେ ଏହା ସବୁଠାରୁ ସଂକ୍ଷିପ୍ତ ଶୀତକାଳୀନ ଅଧିବେଶନ ମଧ୍ୟରେ ଅନ୍ୟତମ, ଯାହା ହାରାହାରି ୨୦ଟି ବୈଠକରୁ କମ୍। ବିରୋଧୀ ଦଳଗୁଡ଼ିକ ଏହାକୁ ନେଇ ଅଭିଯୋଗ କରିଛନ୍ତି ଯେ ସରକାର ସଂସଦକୁ ପଥଚ୍ୟୁତ କରୁଛନ୍ତି ଏବଂ ଅଧିବେଶନକୁ ସଂକ୍ଷିପ୍ତ କରି ଗୁରୁତ୍ୱପୂର୍ଣ୍ଣ ବିତର୍କକୁ ସୀମିତ କରିଦେଉଛନ୍ତି।