ଭୁବନେଶ୍ବର ମେଟ୍ରୋ ରେଳ ପ୍ରକଳ୍ପ

‘ଭୁବନେଶ୍ବର ମେଟ୍ରୋ ରେଳ ପ୍ରକଳ୍ପ’ର ପ୍ରଥମ ପର୍ଯ୍ୟାୟ ଖର୍ଚ୍ଚ ଅଟକଳ ₹୫୯୨୯.୩୮ କୋଟିକୁ ମିଳିଛି ରାଜ୍ୟ କ୍ୟାବିନେଟ୍ ମଞ୍ଜୁରୀ। ଏହି ରେଳ ପ୍ରକଳ୍ପର ପ୍ରଥମ ପର୍ଯ୍ୟାୟ କାର୍ଯ୍ୟ ପାଇଁ ଦିଲ୍ଲୀ ମେଟ୍ରୋ ରେଳ ନିଗମକୁ ଟର୍ଣ୍ଣ-କି-କନ୍ସଲଟାଣ୍ଟ ଭାବେ ନିଯୁକ୍ତି ଦିଆଯାଇଛି। ଲୋକଙ୍କ ସୁବିଧା ପାଇଁ ଭୁବନେଶ୍ବର ବିମାନ ବନ୍ଦରଠାରୁ ତ୍ରିଶୁଳିଆ (୨୬ କି.ମି) ପର୍ଯ୍ୟନ୍ତ ମେଟ୍ରୋ ରେଳ ଚଳାଚଳ କରିବା ସହ ୨୦ ଟି ମେଟ୍ରୋ ଷ୍ଟେସନ ନିର୍ମାଣ ହେବ। ୪ ବର୍ଷ ମଧ୍ୟରେ ଏହି ଲୋକାଭିମୁଖୀ ପ୍ରକଳ୍ପର ୧ମ ପର୍ଯ୍ୟାୟ କାର୍ଯ୍ୟ ଶେଷ କରିବାକୁ ଲକ୍ଷ୍ୟ ଧାର୍ଯ୍ୟ ହୋଇଛି।