ଭାରତର ନକ୍ସା ବଦଳାଇ ଦେବୁ’…ଆତଙ୍କବାଦୀଙ୍କ ସହ ମିଶି ଭାରତ ବିରୋଧରେ ନୂଆ ରଣନୀତ |

ନୂଆଦିଲ୍ଲୀ: ଅପରେସନ ସିନ୍ଦୁରରେ ଭାରତ ଦ୍ୱାରା ଗୁରୁତର ଭାବେ କ୍ଷତିଗ୍ରସ୍ତ ହେବା ପରେ ଏବେ ପ୍ରତିଶୋଧର ନିଆଁରେ ଜଳୁଛି ପାକିସ୍ତାନ। ଏଥିପାଇଁ ପ୍ରତିଦିନ ଆତଙ୍କବାଦୀ ସଂଗଠନ ସହିତ ମିଶି ନୂତନ ରଣନୀତି ଅବଲମ୍ବନ କରୁଛି ପାକିସ୍ତାନ । ଆତଙ୍କବାଦୀ ସଂଗଠନ ଜମାତ-ଉଦ୍-ଦାୱା (JuD) ଏବଂ ଲସ୍କର-ଏ-ତୈବା (LeT) ପୁଣି ଥରେ ଭାରତ ବିରୁଦ୍ଧରେ ବିଷ ଓଗାଳିଛନ୍ତି।

ପ୍ରଥମେ, ପାକିସ୍ତାନର CDF ଅସୀମ ମୁନିର ଏବଂ ଏବେ ଶାହବାଜ ସରକାରଙ୍କ ନିର୍ଦ୍ଦେଶରେ ଆତଙ୍କବାଦୀ ସଂଗଠନ ଖୋଲାଖୋଲି ଭାବରେ ଭାରତକୁ ଧମକ ଦେବା ଆରମ୍ଭ କରିଛି।

ଆତଙ୍କବାଦୀ ମାନେ କହିଲେ ପାକିସ୍ତାନୀ ସେନାର ଗୁପ୍ତ କଥା…

ଏକ ଜାତୀୟ ଗଣମାଧ୍ୟମ ଦ୍ବାରା ପ୍ରକାଶିତ ଏକ ଭିଡିଓରେ ଦାବି କରାଯାଇଛି ଯେ, ଆତଙ୍କବାଦୀ ସଂଗଠନ ରହିମ ୟାର ଖାନରେ ଏକ କାର୍ଯ୍ୟକ୍ରମ ଆୟୋଜନ କରିଥିଲା। ଲସ୍କରର ଶୀର୍ଷ କମାଣ୍ଡର ସୈଫୁଲ୍ଲା କସୁରୀ, ହାଫିଜ୍ ସଇଦର ନିକଟତର ଆତଙ୍କବାଦୀ ଏବଂ ଜମାତ-ଉଦ୍-ଦାୱାର ଆତାଉଲ୍ଲା ଘିଲଜାଇ ଭାରତ ବିରୁଦ୍ଧରେ ବୟାନ ଦେଇଥିଲେ। ଏହି ଆତଙ୍କବାଦୀ ମାନେ ମଧ୍ୟ ସ୍ୱୀକାର କରିଛନ୍ତି ଯେ ପାକିସ୍ତାନୀ ସେନା ଖୋଲାଖୋଲି ଭାବରେ ସେମାନଙ୍କୁ ସମର୍ଥନ କରୁଛି।

ଆମେ ଭାରତର ମାନଚିତ୍ର ବଦଳାଇବୁ: ଆତଙ୍କବାଦୀ

ରାଲିକୁ ସମ୍ବୋଧିତ କରି ଜମାତ-ଉଦ୍-ଦାୱାର ଆତାଉଲ୍ଲା ଘିଲଜାଇ କହିଛନ୍ତି କି, “ଆମେ ଭାରତର ମାନଚିତ୍ର ବଦଳାଇ ପାରିବୁ ଏବଂ ଏଥିପାଇଁ ସମ୍ପୂର୍ଣ୍ଣ ପ୍ରସ୍ତୁତ। ଆମେ ଭାରତର ଗଭୀର ଭିତରକୁ ପହଞ୍ଚି ପାରିବୁ। ଆମର ବିଚାରଧାରାକୁ ରକ୍ଷା କରିବା ପାଇଁ ଆମେ ପାକିସ୍ତାନୀ ସେନା ସହିତ ସମନ୍ୱୟ ସ୍ଥାପନ କରୁଛୁ। ଆମେ ପାକିସ୍ତାନୀ ସେନା ଏବଂ ନେତା ମାନଙ୍କୁ ଆମ ସହିତ ବସି ପାକିସ୍ତାନର ଚିନ୍ତାଧାରାକୁ ରକ୍ଷା କରିବାକୁ ଆମନ୍ତ୍ରଣ କରିଥିଲୁ।

ଆମକୁ ତାଲିମପ୍ରାପ୍ତ ତାଲିବାନ ଭଳି ଯୋଦ୍ଧା ଆବଶ୍ୟକ…

ସୈଫୁଲ୍ଲା କସୁରୀ ମଧ୍ୟ ପାକିସ୍ତାନୀ ରାଜନୀତିରେ ସକ୍ରିୟ ଭାବରେ ଅଂଶଗ୍ରହଣ କରିବାକୁ ତାଙ୍କର ଲକ୍ଷ୍ୟ ଘୋଷଣା କରିଥିଲେ। କସୁରୀ କହିଥିଲେ, “ଆମେ ରାଜନୀତିରେ ପ୍ରବେଶ କରୁଛୁ, ଏବଂ ବିଶ୍ୱ ଆମକୁ ଭୟ କରୁଛି। ମଦ୍ରାସା ଛାତ୍ରମାନେ ଜିହାଦରେ ସେମାନଙ୍କର କର୍ତ୍ତବ୍ୟ ପାଳନ କରିବାକୁ ପ୍ରସ୍ତୁତ।

ଏହା ସହ ପଢନ୍ତୁ :