କେମିତି ହେବ ମହାନଦୀ ଜଳବିବାଦ ସମାଧାନ, ଫେବୃଆରୀ ୭ରେ ଟ୍ରିବ୍ୟୁନାଲରେ ହେବ ଶୁଣାଣି |

କଟକ : କେମିତି ହେବ ମହାନଦୀ ଜଳ ବିବାଦ ସମସ୍ୟାର ସମାଧାନ? ଆପୋସ କଥାବାର୍ତ୍ତା ନା ଟ୍ରିବ୍ୟୁନାଲ ଦ୍ବାରା? ଫେବୃଆରୀ ୭ରେ ମହାନଦୀ ଜଳ ବିବାଦ ନେଇ ଟ୍ରିବ୍ୟୁନାଲରେ ହେବ ଶୁଣାଣି । ଏହା ପୂର୍ବରୁ ସମାଧାନ ପାଇଁ ଓଡ଼ିଶା ଓ ଛତିଶଗଡ଼ ମଧ୍ୟରେ ମଧ୍ୟସ୍ଥତା ପାଇଁ କେନ୍ଦ୍ର ସରକାରଙ୍କୁ ଅନୁରୋଧ କରିଛନ୍ତି ଓଡିଶା ସରକାର । ଛତିଶଗଡ଼ ମୁଖ୍ୟମନ୍ତ୍ରୀଙ୍କ ସହ ମଧ୍ଯ ମହାନଦୀ ସଂପର୍କିତ ଆନ୍ତଃମନ୍ତ୍ରୀସ୍ତରୀୟ କମିଟି ଅଧ୍ୟକ୍ଷ ମଧ୍ୟ ଆଲୋଚନା କରିଛନ୍ତି ।ସେପଟେ ମାର୍ଚ୍ଚ ୧୨ରେ ଟ୍ରିବ୍ୟୁନାଲର ଅବଧି ସରୁଥିବାରୁ ଏହାକୁ ଆଉ ୯ମାସ ବୃଦ୍ଧି କରିବାକୁ କେନ୍ଦ୍ରକୁ ଚିଠି ଲେଖାଯାଇଛି । ତେବେ ଦୀର୍ଘ ଦିନ ଧରି ଲାଗିରହିଥିବା ବିବାଦର ସମାଧାନ ହେବ କେବେ ଓ କଣ ରହିିଛି ପ୍ରମୁଖ ଚ୍ୟାଲେଞ୍ଜ ତାକୁ ନେଇ ଉଠିଛି ପ୍ରଶ୍ନ ।