ବିଧାୟକଙ୍କ ଦ୍ଵାରା ବିଭିନ୍ନ ପ୍ରକଳ୍ପର ଲୋକାର୍ପଣ ଉତ୍ସବ |

ପରଜଙ୍ଗ — ଢେ଼ଙ୍କାନାଳ ଜିଲ୍ଲା ପରଜଙ୍ଗ ବ୍ଲକର ବିଭିନ୍ନ ସ୍ଥାନରେ ପରଜଙ୍ଗ ବିଧାୟକ ବିଭୂତି ଭୂଷଣ ପ୍ରଧାନଙ୍କ କରକମଳରେ ଗୁରୁବାର ଦିନ ବିଭିନ୍ନ ପ୍ରକଳ୍ପର ଶିଳାନ୍ୟାସ ଓ ଭିତ୍ତିପ୍ରସ୍ତର ସ୍ଥାପନ ଲୋକାର୍ପିତ ହୋଇଯାଇଛି । ବିଧାୟକ ଶ୍ରୀ ପ୍ରଧାନ ପ୍ରଥମେ ବ୍ଲକର ଜଙ୍କିଳି ଗ୍ରାମରେ ପହଞ୍ଚି ସେଠାରେ ଏକ ନିଘଞ୍ଚ ଜଙ୍ଗଲ ,ପାହାଡ ଘେର ମଧ୍ୟରେ ଚଉତୁଣ୍ଡି ନାମରେ ଏକ ଆଡ଼ିବନ୍ଧକୁ ନଡ଼ିଆ ବାଡେଇ ଶୁଭ ଭିତ୍ତିପ୍ରସ୍ତର ସ୍ଥାପନ କରିଥିଲେ । ସେଠାରୁ ଆସି ବଡଝରା ପଞ୍ଚାୟତ ଅଧିନସ୍ଥ ଯୌତୁକପଶି ଗ୍ରାମରେ କୋଠ ଘର ଲୋକାର୍ପଣ , ବଡ଼ଝରା ଗ୍ରାମରେ ଗୋଷ୍ଠୀ ଶୌଚାଳୟ , ସାଂସ୍କୃତିକ କାର୍ଯ୍ୟ ଗୃହ , ସତ୍ୟ ନାରାୟଣ ଯୁବ ଗୋଷ୍ଠି ଗୃହ , ବହୁମୁଖି ଶୀତଳ ଭଣ୍ଡାର ପ୍ରଭୃତି କାର୍ଯ୍ୟ ଗୁଡ଼ିକ ଲୋକାର୍ପଣ କରାଯାଇଛି ।ସେହିପରି ବଡଝରାରେ ସିଦ୍ଧେଶ୍ୱର ଶିବ ମନ୍ଦିର , ନୂଆ ସାହିରେ କାଞ୍ଚିକେଶ୍ୱର ମନ୍ଦିରର ଶୁଭ ଭିତ୍ତି ପ୍ରସ୍ତର ସ୍ଥାପନ କରାଯାଇଛି । ଅପରାହ୍ନ ସମୟରେ ବାରିହାପୁର ହାଇସ୍କୁଲର ବାର୍ଷିକ ଉତ୍ସବରେ ବିଧାୟକ ଶ୍ରୀ ପ୍ରଧାନ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ବିଧାୟକଙ୍କ ଗସ୍ତରେ ପରଜଙ୍ଗ ବ୍ଲକ ଅଧ୍ୟକ୍ଷା ଶର୍ମିଷ୍ଠା ଦଳବେହେରା , ଉପାଧ୍ୟକ୍ଷା ଯଶସ୍ୱିନୀ ରାଉତ , ସରପଞ୍ଚ ରୁନୁବାଳା ପ୍ରଧାନ , ଅଜିତ୍ କୁମାର ସାହୁ ,ଯୁଗଳ କିଶୋର ସାହୁ , ସସ୍ମିତା ସାହୁ ,ସମିତି ସଭ୍ୟ ଭୃଗ୍ରୁବର ସାହୁ , ବିନୟ କୁମାର ସାହୁ , ଅଷ୍ଟଶମ୍ଭୁ ମଣ୍ଡଳ ସଭାପତି ତଥା ସମିତି ସଭ୍ୟ ବୈଷ୍ଟମ୍ୱ ନାଥ , ବିଜେପି ଦଳର ପୂର୍ବତନ ବ୍ଲକ ସଭାପତି ଦୁର୍ଗା ଚରଣ ନାୟକ , ରମେଶ ଚନ୍ଦ୍ର ସାହୁ , ପରଜଙ୍ଗ ମଣ୍ଡଳ ସଭାପତି ବିଭତ୍ସ କୁମାର ସାହୁ , ସାଆନ୍ଦା ମଣ୍ଡଳ ସଭାପତି ସୁଧୀର କୁମାର ବିଶ୍ଵାଳ , ଢେ଼ଙ୍କାନାଳ ଜିଲ୍ଲା ବିଏମଏସ ସଭାପତି ଅନିଲ କୁମାର ଭୂତିଆ , ବିଜେପି ଦଳର ଯୁବ ନେତା ବସନ୍ତ କୁମାର ସାହୁ , ପ୍ରକାଶ ଚନ୍ଦ୍ର ବେହେରା, ଅମରେଶ ସାହୁ , ସମେତ ଅଞ୍ଚଳର ବହୁ ମାନ୍ୟଗଣ୍ୟ ବ୍ୟକ୍ତି ଓ ବିଜେପି ଦଳର ଶତାଧିକ କର୍ମୀ ମାନଙ୍କ ଉପସ୍ଥିତିରେ ବିଧାୟକଙ୍କ ଦ୍ଵାରା ବିଭିନ୍ନ ପ୍ରକଳ୍ପର ଶିଳାନ୍ୟାସ ଓ ଭିତ୍ତି ପ୍ରସ୍ତର ସ୍ଥାପନ ଲୋକାର୍ପଣ ଉତ୍ସବ ଅନୁଷ୍ଠିତ ହୋଇଥିଲା