ଦେବ ଦୀପାବଳିରେ ସମସ୍ତେ ଦୀପ ଜାଳି ବିଶ୍ଵଶାନ୍ତି ନିମନ୍ତେ ମହାପ୍ରଭୁଙ୍କୁ ପ୍ରାର୍ଥନା କରନ୍ତୁ : ଶ୍ରୀ ଜଗନ୍ନାଥ ସେବା ସଂସ୍ଥାନ

ଭୁବନେଶ୍ୱର ତା 9 ରିଖ l ମାର୍ଗଶିର ମାସ କୃଷ୍ଣ ଚତୁର୍ଦଶୀ, ଅମାବାସ୍ୟା ଓ ଶୁକ୍ଳ ପ୍ରତିପଦା ତିଥିରେ ପାରମ୍ପରିକ ଭାବରେ ଶ୍ରୀମନ୍ଦିରରେ ଦେବ ଦୀପାବଳି ପାଳନ ହୋଇ ଆସୁଛି l ଶାସ୍ତ୍ରୀୟ ଓ ପାରମ୍ପରିକ ବିଶ୍ୱାସ ଅନୁସାରେ ମହାପ୍ରଭୁ ଶ୍ରୀ ଜଗନ୍ନାଥ କଶ୍ୟପ, ଅଦିତି, କୌଶଲ୍ୟା, ଦଶରଥ, ନନ୍ଦ, ଯଶୋଦା, ବାସୁଦେବ, ଦେବକୀ, ଇନ୍ଦ୍ରଦ୍ୟୁମ୍ନ ଓ ଗୁଣ୍ଡିଚାଙ୍କୁ ଏହି ତିଥିରେ ଶ୍ରାଦ୍ଧ ପ୍ରଦାନ କରିଥାନ୍ତି l ଏହି ତିଥିରେ ମଧ୍ୟ ସୁପ୍ରସିଦ୍ଧ ଶ୍ରାଦ୍ଧ ବେଶ ଅନୁଷ୍ଠିତ ହୋଇଥାଏ l ପିତୃ ପୁରୁଷଙ୍କୁ ଶ୍ରାଦ୍ଧ ପ୍ରଦାନ କରିବାର ମାନବୀୟ ଲୀଳାର ଏହା ଏକ ଉଦାହରଣ l ବିଶ୍ୱର କଲ୍ୟାଣ ଓ ବିଶ୍ୱ ଶାନ୍ତି ଉଦ୍ୟେଶରେ ଶ୍ରୀ ଜଗନ୍ନାଥ ସେବା ସଂସ୍ଥାନ ଓଡିଶା ତରଫରୁ ଓଡିଶାର ପ୍ରତ୍ୟେକ ମନ୍ଦିରରେ ଏହି ପର୍ବ ପାଳନ କରିବାକୁ ଆହ୍ୱାନ ଦିଆଯାଇଛି l ଓଡିଶା ମନ୍ଦିର ସେବାୟତ ସଙ୍ଘର କର୍ମକର୍ତ୍ତାଙ୍କ ସହଯୋଗ କ୍ରମେ ଆଗାମୀ 13 ତାରିଖରେ ଏହି ଏହି ଦୀପଦାନ ପର୍ବ ପୁରୀ ସହର ସମେତ ଓଡିଶାର ପ୍ରତ୍ୟେକ ମନ୍ଦିର ମାନଙ୍କ ରେ ପ୍ରଦୀପ ପ୍ରଜ୍ବଳନ ପୂର୍ବକ ବିଶ୍ୱ ଶାନ୍ତି ଓ କଲ୍ୟାଣ ପାଇଁ ପ୍ରାର୍ଥନା ନିମନ୍ତେ ଆହ୍ୱାନ କରାଯାଉଛି l ଆଜି ଭୁବନେଶ୍ୱର ରେ ଏକ ସାମ୍ବାଦିକ ସମ୍ମିଳନୀରେ ଶ୍ରୀ ଜଗନ୍ନାଥ ସେବା ସଂସ୍ଥାନ ତରଫରୁ କେବଳ ମନ୍ଦିର ନୁହେଁ ସମସ୍ତ ଜଗନ୍ନାଥ ପ୍ରେମୀ ଭାଇ ଭଉଣୀ ନିଜ ଘରେ ଥିବା ଦେବା ଦେବୀଙ୍କ ପାଖରେ ମଧ୍ୟ ଡିସେମ୍ବର 11,12 ଓ 13 ତାରିଖ ଚତୁର୍ଦଶୀ, ଅମାବାସ୍ୟା ଓ ପ୍ରତିପଦା ତିନି ଦିନ ସନ୍ଧ୍ୟାରେ ପ୍ରଦୀପ ପ୍ରଜ୍ବଳନ କରି ସମଗ୍ର ସଂସାର ର କଲ୍ୟାଣ ପାଇଁ ପ୍ରାର୍ଥନା କରିବାକୁ ନିବେଦନ କରାଯାଇଛି l ଆଜିର ସାମ୍ବାଦିକ ସମ୍ମିଳନୀ ରେ ପୁରୀ ମହି ପ୍ରକାଶ ମଠର ମହନ୍ତ ଶ୍ରୀ ଶୁଭନନ୍ଦ ମହାରାଜ, ଶ୍ରୀ ଜଗନ୍ନାଥ ସେବା ସଂସ୍ଥାନର ସଭାପତି ତଥା ଶ୍ରୀ ମନ୍ଦିର ଛତିଶା ନିଯୋଗ ନାୟକ ଶ୍ରୀ ଜନାର୍ଦନ ପଟ୍ଟଯୋଶୀ ମହାପାତ୍ର, ମୁଖପାତ୍ର ଶ୍ରୀ ଗଣେଶ୍ୱର ମହାସୁଆର,ମହାସୁଆର ନିଯୋଗ ସମ୍ପାଦକ ହରେକୃଷ୍ଣ ସିଂହାରୀ, ଗୌରୀଶଙ୍କର ସିଂହାରୀ, ବରିଷ୍ଠ ପୁଷ୍ପାଳକ ସେବାୟତ ଜିତେନ୍ଦ୍ର ମହାପାତ୍ର,ପ୍ରତିହାରୀ ସେବାୟତ ନରେନ୍ଦ୍ର ମହାନ୍ତି, ଦେବ ଦୀପାବଳି ସଂଯୋଜକ ନୀଳମଣି ଗୁରୁ,ଜଗନ୍ନାଥ ସଂସ୍କୃତି ଗବେଷକ,ଆଲୋକ ଖୁଣ୍ଟିଆ,ଓଡିଶା ମନ୍ଦିର ସେବାୟତ ସଙ୍ଘ ସମ୍ପାଦକ ବାମେଶ୍ୱର ତ୍ରିପାଠୀ,ସଭାପତି, ସଦସ୍ୟ କୃଷ୍ଣଚନ୍ଦ୍ର ଦାଶ,ଦେବ ଦୀପାବଳି ପରିଚାଳନା ସଂଯୋଜକ ବାସୁଦେବ ଭଟ୍ଟ, ଗଣମାଧ୍ୟମ ସଂଯୋଜକ ଶୁଭେନ୍ଦୁ ଦାଶ, ଆଦ୍ୟପ୍ରାଣ ସୁବୁଦ୍ଧି, ଦେବୀ ପ୍ରସନ୍ନ ପଣ୍ଡା, ପ୍ରସନ୍ନ ବିଷୋୟୀ, ମନୋଜ ଜେନା, ପ୍ରଣୟ ଜେଠି, ବିଜୟ କେତନ ନନ୍ଦ ଆଦି ଉପସ୍ଥିତ ଥିଲେ l