ବାଂଲାଦେଶର ପ୍ରଧାନମନ୍ତ୍ରୀ ଭାବରେ ଶପଥ ନେଲେ ତାରିକ ରହମାନ, ସାମିଲ ହେଲେ ଭାରତର.

ଢାକା: ବାଂଲାଦେଶ ନ୍ୟାସନାଲିଷ୍ଟ ପାର୍ଟିର ମୁଖ୍ୟ ତାରିକ ରହମାନ ମଙ୍ଗଳବାର ପ୍ରଧାନମନ୍ତ୍ରୀ ଭାବରେ ଶପଥ ଗ୍ରହଣ କରିଛନ୍ତି। ଶେଖ ହାସିନାଙ୍କ ବିଦ୍ରୋହ ପରେ ପ୍ରଥମ ଥର ପାଇଁ ନିର୍ବାଚିତ ହୋଇ ସେ ସରକାର ଗଠନ କରିବେ।

ତ୍ରୟୋଦଶ ସଂସଦୀୟ ନିର୍ବାଚନରେ BNP ୨୯୭ ଆସନରୁ ୨୦୯ ଆସନ ଜିତିଥିଲା। ମୌଳବାଦୀ ଜମାତ-ଏ-ଇସଲାମି ୬୮ ଆସନ ପାଇଥିଲା।ଯାହାପରେ BNP ସାଂସଦମାନେ ତାରିକ ରହମାନଙ୍କୁ ସଂସଦୀୟ ଦଳର ନେତା ଭାବରେ ନିର୍ବାଚିତ କରିଥିଲେ। ତେବେ ବହିଷ୍କୃତ ପ୍ରଧାନମନ୍ତ୍ରୀ ଶେଖ ହାସିନାଙ୍କ ଆୱାମୀ ଲିଗକୁ ନିର୍ବାଚନରେ ଲଢ଼ିବାରୁ ବାରଣ କରାଯାଇଥିଲା।

ରାଷ୍ଟ୍ରପତି ମହମ୍ମଦ ଶାହାବୁଦ୍ଦିନ ବଙ୍ଗଭବନ ପରିବର୍ତ୍ତେ ଜାତୀୟ ସଂସଦର ଦକ୍ଷିଣ ପ୍ଲାଜାରେ ତାଙ୍କୁ ଶପଥ ପାଠ କରାଇଥିଲେ। ତେବେ କିଛି ଦିନ ପୂର୍ବରୁ ସାଧାରଣ ନିର୍ବାଚନରେ ବାଂଲାଦେଶ ନ୍ୟାସନାଲିଷ୍ଟ ପାର୍ଟି (BNP) ଏକ ବଡ଼ ବିଜୟ ହାସଲ କରିଥିଲା ଯେଉଁଥିରେ ସେ ନେତୃତ୍ୱ ଗ୍ରହଣ କରିଥିଲେ।

ତାରିକ ରହମାନଙ୍କ ଶପଥ ଗ୍ରହଣ ଉତ୍ସବରେ ଭାରତରୁ ଲୋକସଭା ବାଚସ୍ପତି ଓମ୍ ବିର୍ଲା ପ୍ରତିନିଧିତ୍ୱ କରିଥିଲେ ଓ ବୈଦେଶିକ ସଚିବ ବିକ୍ରମ ମିଶ୍ର ମଧ୍ୟ ଉପସ୍ଥିତ ଥିଲେ। ନୂତନ ସରକାରଙ୍କ ଶପଥ ଗ୍ରହଣ ଉତ୍ସବରେ ଭାରତର ପ୍ରତିନିଧିତ୍ୱ କରି ଢାକାରେ ଉପସ୍ଥିତ ରହିବା ସମ୍ମାନର ବିଷୟ ବୋଲି ବିର୍ଲା X ରେ ଏକ ପୋଷ୍ଟ କରି କହିଛନ୍ତି। ଏହା ଦ୍ବାରା ଆମ ଦୁଇ ଦେଶ ମଧ୍ୟରେ ଲୋକ-ଜନ ସମ୍ପର୍କ ଏବଂ ସାଧାରଣ ଗଣତାନ୍ତ୍ରିକ ମୂଲ୍ୟବୋଧକୁ ମଜବୁତ କରିବ ବୋଲି ମଧ୍ୟ ସେ କହିଛନ୍ତି।’ ବାଂଲାଦେଶ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ମଧ୍ୟ ଏହି ସମାରୋହକୁ ନିମନ୍ତ୍ରଣ କରିଥିଲେ କିନ୍ତୁ ମଙ୍ଗଳବାର ମୁମ୍ବାଇରେ ଫ୍ରାନ୍ସ ରାଷ୍ଟ୍ରପତି ଇମାନୁଏଲ୍ ମାକ୍ରନଙ୍କ ସହ ଆଲୋଚନା ଯୋଗୁଁ ସେ ଏଥିରେ ଯୋଗ ଦେଇପାରିନଥିଲେ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପୂର୍ବରୁ ବାଂଲାଦେଶ ନିର୍ବାଚନରେ ବିଏନପିର ବିଜୟ ପାଇଁ ତାରିକ ରହମାନଙ୍କୁ ଅଭିନନ୍ଦନ ଜଣାଇଥିଲେ। ତାରିକ୍ ରହମାନଙ୍କ ସହିତ ତାଙ୍କର ଆଲୋଚନାରେ ପ୍ରଧାନମନ୍ତ୍ରୀ ମୋଦୀ ବାଂଲାଦେଶର ଲୋକଙ୍କ ଆକାଂକ୍ଷା ପୂରଣ କରିବା ପ୍ରୟାସରେ ତାଙ୍କର ଶୁଭକାମନା ଦେଇଥିଲେ। ଦୁଇ ଦେଶ ମଧ୍ୟରେ ଘନିଷ୍ଠ ଏବଂ ବନ୍ଧୁତ୍ୱପୂର୍ଣ୍ଣ ସମ୍ପର୍କକୁ ଗୁରୁତ୍ୱ ଦେଇ ମୋଦୀ କହିଛନ୍ତି ଯେ ଭାରତ ଏବଂ ବାଂଲାଦେଶ ନିକଟତମ ପଡ଼ୋଶୀ ଏବଂ ସେମାନଙ୍କର ଗଭୀର ଐତିହାସିକ ଏବଂ ସାଂସ୍କୃତିକ ସମ୍ପର୍କ ରହିଛି। ସେ ଉଭୟ ଦେଶ ଏବଂ ଲୋକଙ୍କ ପାଇଁ ଶାନ୍ତି, ପ୍ରଗତି ଏବଂ ସମୃଦ୍ଧି ପ୍ରତି ଭାରତର ନିରନ୍ତର ପ୍ରତିବଦ୍ଧତାକୁ ମଧ୍ୟ ଦୋହରାଇଥିଲେ।