ଋଣ, ଚାକିରୀ ଦେବା ନା’ରେ ବଡ଼ ଧରଣର ଠକେଇ |

ଋଣ ଏବଂ ଚାକିରୀ କରାଇଦେବା ନା’ରେ ଠକେଇ କରୁଥିବା ଜଣେ ଯୁବକଙ୍କୁ ହିଞ୍ଜିଳି ପୋଲିସ ଶନିବାର ଗିରଫ କରିଛି। ଗିରଫ ଅଭିଯୁକ୍ତ ଜଣକ ହେଲେ ହିଞ୍ଜିଳି ଥାନା ବୁରୁପୋଡା ଗ୍ରାମର କୃଷ୍ଣଚନ୍ଦ୍ର ପାଢୀ(୩୬) । ଗିରଫ ଅଭିଯୁକ୍ତଙ୍କଠାରୁ ପୋଲିସ ବ୍ୟାଙ୍କ ପାସ୍‌ ବୁକ, ଏଟିଏମ୍‌ କାର୍ଡ, ମୋବାଇଲ ଫୋନ୍‌ ଏବଂ ବିଭିନ୍ନ କମ୍ପାନୀର ନକଲି ପରିଚୟପତ୍ର ଜବତ କରିଛି। ନେଇ ହିଞ୍ଜିଳି ଥାନାରେ ଏକ ମାମଲା(ନଂ.୧୧୬/୨୬) ରୁଜୁ କରି ଅଭିଯୁକ୍ତଙ୍କୁ ଶନିବାର କୋର୍ଟ ଚାଲାଣ କରାଯାଇଛି। ଗିରଫ ଅଭିଯୁକ୍ତଙ୍କ ଗଞ୍ଜାମ ଜିଲା ସମେତ ଭୂବନେଶ୍ବର, ଅନୁଗୋଳ, କେନ୍ଦୁଝର ଓ ସୁନ୍ଦରଗଡ଼ ଜିଲାର ବିଭିନ୍ନ ଲୋକଙ୍କୁ ଋଣ କରାଇଦେବା ଓ ଆଶାୟୀଙ୍କୁ ଚାକିରୀ ଦେବା ନା’ରେ ଠକେଇ କରିଥିବା ନେଇ ବିଭିନ୍ନ ଥାନାରେ ଏକାଧିକ ମାମଲା ରହିଥିବା ପୋଲିସ କହିଛି।