ବରଗଡ଼ବାସୀଙ୍କ ମନ ଜିଣୁଛି ‘ଭାରତ ବୁଟ୍ ହାଉସ୍’ ମେଗା ସୋରୁମ୍ |

ବରଗଡ଼, ୦୧/୦୪: ବରଗଡ଼ ସହରର ସବୁଠାରୁ ପୁରାତନ ତଥା ବିଶ୍ୱସ୍ତ ପ୍ରତିଷ୍ଠାନ ‘ଭାରତ ବୁଟ୍ ହାଉସ୍’ ଏବେ ନୂଆ ଅବତାରରେ ଗ୍ରାହକଙ୍କ ସେବାରେ। ବରଗଡ଼ ବ୍ୟାଙ୍କ୍ ଅଫ୍ ବରୋଦା ସମ୍ମୁଖରେ ଖୋଲିଥିବା ଏହି ଭବ୍ୟ ମେଗା ସୋରୁମ୍ ମାତ୍ର ଦୁଇ ମାସ ଭିତରେ ସହର ତଥା ଆଖପାଖ ଅଞ୍ଚଳର ଗ୍ରାହକମାନଙ୍କ ମଧ୍ୟରେ ଏକ ସ୍ୱତନ୍ତ୍ର ସ୍ଥାନ ତିଆରି କରିପାରିଛି।

ସୂଚନାଯୋଗ୍ୟ ଯେ, ଗତ ଫେବୃଆରୀ ୨ ତାରିଖରେ ବରଗଡ଼ ବିଧାୟକ ଅଶ୍ୱିନୀ ଷଡ଼ଙ୍ଗୀ ଏହି ଅତ୍ୟାଧୁନିକ ମେଗା ସୋରୁମ୍‌କୁ ଆନୁଷ୍ଠାନିକ ଭାବେ ଉଦଘାଟନ କରିଥିଲେ। ଏହି ଅବସରରେ ଅଞ୍ଚଳର ବହୁ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ରହି ପ୍ରତିଷ୍ଠାନର ଉତ୍ତରୋତ୍ତର ଉନ୍ନତି କାମନା କରିଥିଲେ।ଗ୍ରାହକଙ୍କ ଆବଶ୍ୟକତାକୁ ଆଖି ଆଗରେ ରଖି ଏଠାରେ ପିଲାଙ୍କ ଠାରୁ ଆରମ୍ଭ କରି ବୃଦ୍ଧଙ୍କ ପର୍ଯ୍ୟନ୍ତ ସମସ୍ତଙ୍କ ପାଇଁ ଯୋତା ଓ ଚପଲର ଏକ ବିଶାଳ ସମ୍ଭାର ରହିଛି। ବିଶେଷ କଥା ହେଉଛି, ଏଠାରେ ବିଭିନ୍ନ ନାମିଦାମୀ କମ୍ପାନୀ (Branded Companies) ଗୁଡ଼ିକର ସାମଗ୍ରୀ ଉପଲବ୍ଧ ହେବା ସହିତ ପ୍ରତ୍ୟେକ କ୍ରୟ ଉପରେ ଗ୍ରାହକଙ୍କୁ ଆକର୍ଷଣୀୟ ରିହାତି ମଧ୍ୟ ପ୍ରଦାନ କରାଯାଉଛି। ଉଚ୍ଚମାନର ସାମଗ୍ରୀ ସାଙ୍ଗକୁ ଉଚିତ୍ ମୂଲ୍ୟ ଯୋଗୁଁ ଏଠାରେ ଗ୍ରାହକଙ୍କ ପ୍ରବଳ ଭିଡ଼ ଦେଖିବାକୁ ମିଳୁଛି।

ବିଶ୍ୱାସର ପରମ୍ପରା ଦଶନ୍ଧି ଦଶନ୍ଧି ଧରି ବରଗଡ଼ବାସୀଙ୍କୁ ସେବା ଯୋଗାଇ ଆସୁଥିବା ‘ଭାରତ ବୁଟ୍ ହାଉସ୍’ ଏବେ ନୂତନ ସୋରୁମ୍ ମାଧ୍ୟମରେ ଆହୁରି ଅଧିକ ଗ୍ରାହକଙ୍କ ନିକଟତର ହୋଇପାରିଛି। ଦୁଇ ମାସର ଏହି ସଫଳ ଯାତ୍ରା ପାଇଁ ଅନୁଷ୍ଠାନ ପକ୍ଷରୁ ସମସ୍ତ ଗ୍ରାହକଙ୍କୁ କୃତଜ୍ଞତା ଜ୍ଞାପନ କରାଯାଇଛି। ଆଗାମୀ ଦିନରେ ମଧ୍ୟ ଏହି ଭରସା ଓ ଗୁଣବତ୍ତା ବଜାୟ ରହିବ ବୋଲି ପ୍ରତିଷ୍ଠାନ ପକ୍ଷରୁ କୁହାଯାଇଛି।