ବିଲରୁ ଅଚିହ୍ନା ମହିଳାଙ୍କ ମୃତଦେହ ଜବତ

 କେନ୍ଦୁଝର ଜିଲା ଆନନ୍ଦପୁର ଥାନା ତରତରା ଅଞ୍ଚଳରୁ ଜଣେ ପ୍ରାୟ ୪୫ ବର୍ଷ ବୟସ୍କା ମହିଳାଙ୍କ ମୃତଦେହ ଏକ ବିଲରୁ ଉଦ୍ଧାର ହୋଇଛି। ମୃତଦେହ ପଚି ଯାଇଥିବା ବେଳେ ପୋକ ସାଲୁବାଲୁ ହୋଇଥିବା ଅବସ୍ଥାରେ ପୋଲିସ ଉଦ୍ଧାର କରିଛି। ମୃତ ଦେହର ପରିଚୟ ଜଣାପଡ଼ିନାହିଁ। ପୋଲିସ ମାମଲା ନଂ ୧୯/୨୦୨୬ ରୁଜୁ କରିଛି। ବିଧିବଦ୍ଧ ଭାବେ ଇନ୍‌କ୍ୱାରୀ କାର୍ଯ୍ୟ ସମ୍ପନ୍ନ କରିବା ପରେ ମୃତଦେହକୁ ପୋଷ୍ଟମର୍ଟମ ପରୀକ୍ଷା ନିମନ୍ତେ ଫରେନ୍‌ସିକ୍‌ ମେଡିସିନ ଓ ଟକ୍ସିକୋଲୋଜି ବିଭାଗର ଡାକ୍ତରଙ୍କ ନିକଟକୁ ପ୍ରେରଣ କରାଯାଇଛି l ସ୍ଥାନୀୟ ଲୋକଙ୍କ କହିବା ଅନୁସାରେ, ୪ରୁ ୫ ଦିନ ପୂର୍ବେ ମୃତ ମହିଳା ଜଣକ ଏ ଅଞ୍ଚଳରେ ବୁଲୁଥିଲେ। ଆନନ୍ଦପୁର ଏସଡିପିଓ କମଳ କୁମାର ପଣ୍ଡା କହିଛନ୍ତି, ମାମଲାର ତଦନ୍ତ ଜାରି ରହିଛି ଏବଂ ପୋଷ୍ଟମର୍ଟମ ରିପୋର୍ଟ ଆସିବା ପରେ ମୃତ୍ୟୁର କାରଣ ଜଣାପଡ଼ିବ।