January 25, 2026

Now Odisha

Now Odisha

ରାଜ୍ୟ ସରକାରଙ୍କ ସଂସ୍ଥା ‘ବୟନିକା’ରେ ବ୍ୟାପକ ଦୁର୍ନୀତି ଓ ଅନିୟମିତତାର ସାଂଘାତିକ ଅଭିଯୋଗ ସାମ୍ନାକୁ ଆସିଛି । ବୟନିକା ସଭାପତି ପ୍ରକାଶ ମେହେରଙ୍କ ବିରୁଦ୍ଧରେ କ୍ଷମତାର ଅପବ୍ୟବହାର, ସଂପର୍କୀୟଙ୍କୁ ଅନୈତିକ ଲାଭ ପ୍ରଦାନ ଓ କୋଟି କୋଟି ଟଙ୍କାର ଆର୍ଥିକ ହେରଫେରର ସଙ୍ଗୀନ ଅଭିଯୋଗ ଆଣିଛି ଓଡ଼ିଶା ବୁଣାକାର ମହାସଂଘ । ଶୁକ୍ରବାର ଭୁବନେଶ୍ୱରରେ ଏକ ସାମ୍ବାଦିକ ସମ୍ମିଳନୀରେ ଓଡ଼ିଶା ବୁଣାକାର ମହାସଂଘର ସଭାପତି ଶ୍ରୀଧର ବେହେରା, ସମ୍ପାଦକ ବିଜୟ ମେହେରଙ୍କ ସମେତ ଅନ୍ୟ କର୍ମକର୍ତ୍ତାମାନେ ଏହି ଅଭିଯୋଗ ଆଣିବା ସହ ରାଜ୍ୟର ବୁଣାକାରମାନଙ୍କ ସ୍ୱାର୍ଥରକ୍ଷା କରିବା ପାଇଁ ଏହାର ଉଚ୍ଚସ୍ତରୀୟ ତଦନ୍ତ ନିମନ୍ତେ ଦାବି କରିଛନ୍ତି ।ଏହି ସାମ୍ବାଦିକ ସମ୍ମିଳନୀରେ ବୁଣାକାର ମହାସଂଘର ସଭାପତି ଶ୍ରୀଧର ବେହେରା ଅଭିଯୋଗ କରିଛନ୍ତି ଯେ,  ବୟନିକାର ସଭାପତି ହେବାପରେ ପ୍ରକାଶ ମେହେର ନିଜ ଭାଇ ପ୍ରମୋଦ ମେହେର ଓ ତାଙ୍କ ସ୍ତ୍ରୀଙ୍କ ନାମରେ ପାଣ୍ଡରାପାଟ ଏସଏଚଜି ମାଧ୍ୟମରେ ବାହାର ରାଜ୍ୟରୁ ଶାଢ଼ୀ କମ୍ ମୂଲ୍ୟରେ କିଣି ବୟନିକାକୁ ଅଧିକ ମୂଲ୍ୟରେ ଯୋଗାଣ କରି ଲକ୍ଷ ଲକ୍ଷ ଟଙ୍କା ଅନୈତିକ ଭାବେ ହଡ଼ପ କରିଛନ୍ତି । ନିଜ ସଢ଼ୁ, ବଡ଼ବାପା ପୁଅ ଭାଇ ଓ ଅନ୍ୟ ସଂର୍ପକୀୟଙ୍କୁ ବୟନିକାରେ ପୁରାଇ କୋଟି କୋଟି ଟଙ୍କାର ଲୁଗା ଯୋଗାଣ କରି ମୋଟା ଅଙ୍କରେ ମୁନାଫା ଅର୍ଜନ କରାଯାଉଛି । ୨୦୨୪-୨୫ ମସିହାରେ ହୋଇଥିବା ଅନିୟମିତତା ସମ୍ପର୍କରେ ମଧ୍ୟ ଶ୍ରୀ ବେହେରା ସୂଚନା ଦେଇଥିଲେ ।ସେହିପରି ମହାସଂଘର ସଂପାଦକ ବିଜୟ ମେହେର କହିଛନ୍ତି, “ବୌଦ୍ଧ ଜିଲ୍ଲାର ମନମୁଣ୍ଡାରେ ସନ୍ତୋଷ ମେହେର ନାମକ ଜଣେ ବ୍ୟକ୍ତି ପୂର୍ବରୁ ନକଲି ପଲିଷ୍ଟର ଶାଢ଼ୀକୁ ପାଟଶାଢ଼ୀ (୨ ନମ୍ବର ପାଟଶାଢ଼ୀ ଭଳି ଦେଖାଯାଉଥିବା) ମୂଲ୍ୟରେ ବୟନିକାକୁ ଯୋଗାଇ ଲକ୍ଷ ଲକ୍ଷ ଟଙ୍କା ହଡ଼ପ କରିଥିଲେ । କର୍ତ୍ତୃପକ୍ଷ ତାଙ୍କଠାରୁ ଲୁଗା ନ କିଣିବାକୁ ନିଷ୍ପତ୍ତି ନେଇଥିଲେ, କିନ୍ତୁ ପ୍ରକାଶ ମେହେର ନିଜ ସ୍ୱାର୍ଥ ପାଇଁ ପୁଣି ସେହି ବ୍ୟକ୍ତିଙ୍କଠାରୁ ଲୁଗା କିଣୁଛନ୍ତି । ଏହି ଯୋଗାଣରେ ୨୦୨୪-୨୫ ମସିହାରେ ୫୦ ଲକ୍ଷ ଟଙ୍କାରୁ ଅଧିକ ନକଲି ଶାଢ଼ୀ ଯୋଗାଣ ହୋଇଥିବା ପ୍ରମାଣ ଦର୍ଶାଯାଇଛି, ଯାହା ବୟନିକାର ଗୁଣବତ୍ତା ଓ ଖ୍ୟାତିକୁ କ୍ଷତି ପହଂଚାଇଛି ।ଶ୍ରୀଧର ବେହେରା ଆହୁରି କହିଛନ୍ତି, “ପରିଚାଳନା ପରିଷଦ ବୈଠକରେ ନିଷ୍ପତ୍ତିଗୁଡ଼ିକୁ ପ୍ରକାଶ ମେହେର ନିଜ ସୁବିଧା ଅନୁସାରେ ବଦଳାଉଛନ୍ତି । ଓଡ଼ିଶା ସମବାୟ ନିୟମ ଅନୁଯାୟୀ ସମସ୍ତ ପ୍ରସ୍ତାବ ସଭା ବହିରେ ଲିପିବଦ୍ଧ ହେବା ଆବଶ୍ୟକ, କିନ୍ତୁ ଧଳା କାଗଜରେ ପ୍ରସ୍ତାବ ଲେଖାଯାଇ ଅଠା ଦ୍ୱାରା ସଭା ବହିରେ ଲଗାଯାଉଛି । ଏହି ଅଭିଯୋଗରେ ୧୦ଟି ଉଦାହରଣ ଉପସ୍ଥାପନ କରାଯାଇଛି, ଯାହା ସମବାୟ ଆଇନର ସ୍ପଷ୍ଟ ଉଲ୍ଲଙ୍ଘନ ବୋଲି ଦର୍ଶାଯାଇଛି ।

ମା’କୁ ସମ୍ମାନର ସ୍ଲୋଗାନ ଦେଉଥିବା ବିଜେଡିରେ ମହିଳା ସୁରକ୍ଷିତ ନୁହଁନ୍ତି । ଦଳର ମୁଖପାତ୍ର ଓ ସାଧାରଣ ସମ୍ପାଦିକା ଶ୍ରୀମୟୀ ମିଶ୍ରଙ୍କ ଚରିତ୍ର ସଂହାର କରୁଛି ଖୋଦ୍ ବିଜେଡି । ଦଳର କର୍ମୀମାନେ ଗଣମାଧ୍ୟମରେ ପ୍ରଭାବଶାଳୀ  ଢଙ୍ଗରେ ଶ୍ରୀମୟୀଙ୍କ ଚରିତ୍ର ସଂହାର କରୁଛନ୍ତି କି ନାହିଁ ତା’ର ମଧ୍ୟ ତଦାରଖ କରୁଛି ବିଜେଡି । ଦଳର ମିଡିଆ କୋଅର୍ଡିନେଟର ଲେନିନ୍ ମହାନ୍ତିଙ୍କ ଦ୍ୱାରା ଦଳୀୟ ପଦାଧିକାରୀ ଶ୍ରୀମୟୀ ମିଶ୍ରଙ୍କ ଚରିତ୍ର ସଂହାର ସଂକ୍ରାନ୍ତ ଭିଡିଓକୁ ‘ବିଜେଡିର ଏସପି’ ହ୍ୱାଟସଅପ୍ ଗ୍ରୁପରେ ଶେୟାର ହୋଇଛି । ଏହି ଗ୍ରୁପରେ ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କ ରାଜନୀତିକ ସଚିବ ସନ୍ତୃପ୍ତ ମିଶ୍ରଙ୍କଠୁ ଆରମ୍ଭ କରି ଦଳର କୋରଟିମ୍ ସଦସ୍ୟମାନେ ମଧ୍ୟ ରହିଛନ୍ତି ।ମହାଭାରତର ଧୃତରାଷ୍ଟ୍ର ଓ ଦୁର୍ଯ୍ୟୋଧନ ଚରିତ୍ର, ପ୍ରକାଶ ଝା’ଙ୍କ ଓଟିଟି ୱେବସିରିଜ୍ ‘ଆଶ୍ରମ’ର ‘ଭଣ୍ଡ ସନ୍ୟାସୀ’ ଉପାଖ୍ୟାନ କଥା ନିଜ ସୋସିଆଲ ମିଡିଆରେ ପୋଷ୍ଟ କରି ଶ୍ରୀମୟୀ ବିଜେଡି ରାଜନୀତିରେ କମ୍ପନ ସୃଷ୍ଟି କରିଥିଲେ । ଶ୍ରୀମୟୀ କାହାରି ନାଁ ଉଲ୍ଲେଖ କରିନଥିଲେ ମଧ୍ୟ ବିଜେଡି ଏକ ସାମ୍ବାଦିକ ସମ୍ମିଳନୀ କରି ତାଙ୍କୁ ସୋସିଆଲ ମିଡିଆରେ ପୋଷ୍ଟରୁ ବିରତ ରହିବାକୁ ଚେତାବନୀ ଦେବା ସହ ପରୋକ୍ଷରେ ଧୃତରାଷ୍ଟ୍ର ଓ ଭଣ୍ଡ ସନ୍ୟାସୀ ବିଜେଡି ସୁପ୍ରିମୋ ନବୀନ ପଟ୍ଟନାୟକ ଓ ଅଘୋଷିତ ସର୍ବେସର୍ବା ଭିକେ ପାଣ୍ଡିଆନଙ୍କ ପାଇଁ ଉଦ୍ଦିଷ୍ଟ ଥିଲା । ଯଦିଓ ଶ୍ରୀମୟୀ ଗଣମାଧ୍ୟମରେ ପଦୁଟିଏ ବି ମୁହଁ ଖୋଲିନାହାନ୍ତି lମିଳିଥିବା ‘ବିଜେଡିର ଆନୁଷ୍ଠାନିକ ହ୍ୱାଟସଅପ ଗ୍ରୁପ୍‌’ ଚାର୍ଟରେ ଶ୍ରୀମୟୀଙ୍କ ଚରିତ୍ର ସଂହାର କରାଯାଉଥିବାର ପ୍ରମାଣ ମଧ୍ୟ ମିଳିଛି । ଦଳର ମିଡିଆ କୋଅର୍ଡିନେଟର ଲେନିନ୍ ମହାନ୍ତିଙ୍କ ଦ୍ୱାରା ଏହି ଗ୍ରୁପରେ ଦୁଇଟି ଏଭଳି ଭିଡିଓ ଶେୟାର କରାଯାଇଛି ଯେଉଁଥିରେ ଖୋଲାଖୋଲି ଭାବେ ଶ୍ରୀମୟୀଙ୍କ ଚରିତ୍ର ସଂହାର ହେଉଥିବା ଦେଖିବାକୁ ମିଳିଛି । ଏହି ଗ୍ରୁପରେ ଦଳର ଆଗଧାଡ଼ିର ନେତା ପ୍ରସନ୍ନ ଆଚାର୍ଯ୍ୟ, ଅରୁଣ ସାହୁ, ପ୍ରତାପ ଦେବ, ପ୍ରତାପ ଜେନା, ପ୍ରମିଳା ମଲ୍ଲିକ, ସୁବାସ ସିଂ, ସୁଦାମ ମାର୍ଣ୍ଡି, ସସ୍ମିତ ପାତ୍ର, ଅମର ପଟ୍ଟନାୟକ, ଚିନ୍ମୟ ସାହୁଙ୍କ ସମେତ ୪୦ରୁ ଅଧିକ ଆଗଧାଡ଼ିର ନେତା ମଧ୍ୟ ରହିଛନ୍ତି । ନବୀନଙ୍କ ରାଜନୀତିକ ସଚିବ ସନ୍ତୃପ୍ତ ମିଶ୍ର ମଧ୍ୟ ଏହି ଗ୍ରୁପରେ ଅଛନ୍ତି । ତଥାପି ସୁଚିିନ୍ତିତ ଢଙ୍ଗରେ ଦଳର ଜଣେ ମହିଳା ପଦାଧିକାରୀଙ୍କ ଚରିତ୍ର ସଂହାର କରାଯାଉଥିଲେ ମଧ୍ୟ ଏହି ନେତାମାନେ ନିରବ ରହିବା ବିଜେଡିର ମା’କୁ ସମ୍ମାନର ସ୍ଲୋଗାନର ନଗ୍ନଚିତ୍ରକୁ ପଦାରେ ପକାଇ ଦେଇଛି ।

ନାବାଳିକାକୁ ଟେକି ନେଇ ଜଙ୍ଗଲରେ ଦୁଷ୍କର୍ମ। ସୁନ୍ଦରଗଡ ଜିଲ୍ଲା କେ. ବଲାଙ୍ଗ ଥାନା ଅଞ୍ଚଳରେ ଚାଞ୍ଚଲ୍ୟ ଦେଖାଦେଇଛି।ବଲାଙ୍ଗ ଅଞ୍ଚଳରୁ ବରସୁଆଁକୁ ବିଶ୍ୱକର୍ମା ପୂଜା ଦେଖିବାକୁ ଯାଇ ଫେରୁଥିବା...

ବିଜେଡିର ବଡ଼ ନେତାଙ୍କୁ ଉଠାଇ ନେଇଛି EOW। ବିଜେଡିର ପ୍ରମୁଖ ନେତା ଏବଂ ନିମାପଡ଼ା ବିଧାନସଭା ଆସନରେ ପାର୍ଟିର ବିଧାୟକ ପ୍ରାର୍ଥୀ ଦିଲ୍ଲୀପ ନାୟକଙ୍କୁ ଆଜି ଆର୍ଥିକ...

ସାମ୍ପ୍ରତିକ ଜିଏସଟି ପରିଷଦ ବୈଠକ ପରେ, ଜିଏସଟି ହାରରେ ଅନେକ ଗୁରୁତ୍ୱପୂର୍ଣ୍ଣ ପରିବର୍ତ୍ତନ କରାଯାଇଛି। ଏହା ଫଳରେ ସାମ୍ପୁ, ସାବୁନ, ଶିଶୁ ଉତ୍ପାଦ, ସୱାସ୍ଥ୍ୟ ପାନୀୟ ଏବଂ...

ନୂଆଦିଲ୍ଲୀ, ୧୮ା୯: ଉଦ୍ୟୋଗ ଜଗତ ପାଇଁ ନୂଆ ନିଷ୍ପତ୍ତି ନେଇଛନ୍ତି ସରକାର। ୨୨ ସେପ୍ଟେମ୍ବରରେ ନୂଆ ଜିଏସଟି ଦର ଲାଗୁ ହେବା ପରେ କମ୍ପାନୀ ଏବଂ ଗ୍ରାହକଙ୍କୁ...

 ଇମ୍ଫାଲ,୧୯।୯: ମଣିପୁରରୁ ବଡ଼ ଖବର । ମଣିପୁରରେ ସେନା ଗାଡ଼ି ଉପରକୁ ହୋଇଛି ବଡ଼ ଧରଣର ଆକ୍ରମଣ । ଗାଡ଼ି ଉପରକୁ ଆଖିବୁଜା ଗୁଳିମାଡ଼ କରିଛନ୍ତି ଅଜ୍ଞାତ...

ଇମ୍ପାଲ୍‌- ମଣିପୁରରେ ଆସାମ ରାଇଫଲ୍‌ର ଗାଡ଼ି ଉପରକୁ ଆତଙ୍କବାଦୀମାନେ ଗୁଳିମାଡ କରିଛନ୍ତି । ଏଥିରେ ଦୁଇଜଣ ଜବାନ୍‌ ସହିଦ୍‌ ହୋଇଥିବା ବେଳେ ୪ ଜଣ ଗୁରୁତର ହୋଇଛନ୍ତି...

ଲହୁଣୀପଡା : ସୁନ୍ଦରଗଡ଼ ଜିଲା ଲହୁଣୀପଡ଼ା ଥାନା ଅନ୍ତର୍ଗତ ଶସ୍ୟକଳା ପଞ୍ଚାୟତ ବରସୁଆଁକୁ ବିଶ୍ବକର୍ମା ପୂଜା ମେଳା ବୁଲିବାକୁ ଆସିଥିବା ଜଣେ ନାବାଳିକାକୁ କିଛି କାମାନ୍ଧ ଗଣବଳାତ୍କାର...

ଯୁବପିଢ଼ି ଆମ ରାଜ୍ୟ ତଥା ଦେଶର ପ୍ରଗତିର କର୍ଣ୍ଣଧାର । ଯୁବପିଢ଼ିଙ୍କୁ ନିଶାକବଳରୁ ମୁକ୍ତ ରଖିବା ପାଇଁ ବ୍ୟାପକ ସଚେନତାର ଆବଶ୍ୟକତା ରହିଛି। 'ନିଶା ମୁକ୍ତ ଭାରତ'ର...

error: Content is protected !!