ସଡ଼କ ଦୁର୍ଘଟଣା ଏକ ମୃତ, ଦୁଇ ଗୁରୁତର

ବରଗଡ଼:(ଫକୀର ରଣା):- ବରଗଡ଼ ଜିଲ୍ଲା ଅମ୍ବାଭୋନା ବ୍ଲକ ଅନ୍ତର୍ଗତ ରୁଚିଦା ଗ୍ରାମର ବିଶିଷ୍ଟ କୀର୍ତ୍ତନ ଗାୟିକା ଶ୍ରୀମତୀ ଅଞ୍ଜନା ଦେହୁରୀ ଙ୍କ ସ୍ଵାମୀ ଶ୍ରୀଯୁକ୍ତ ଅରପନ୍ ଦେହୁରୀ, ବୟସ ୩୦ ବର୍ଷ ଙ୍କ ଏକ ସଡ଼କ ଦୁର୍ଘଟଣା ରେ ମୃତ୍ୟୁ ଘଟିଛି । ସେ ଏକ ଅଲ୍ଟୋ ଗାଡି ନଂ ଓଡ଼ି ୦୨ ବିଏ ୩୩୮୭ ରେ ନିଜ ସମ୍ପର୍କୀୟ ଙ୍କ ଘରକୁ ଏକ ଶ୍ରାଦ୍ଧ କାର୍ଯ୍ୟରେ ଯାଉଥିବା ବେଳେ ସାମନା ପଟରୁ ଦୃତ ଗତିରେ ଆସୁଥିବା ଏକ ବୋଲେରୋ ଗାଡ଼ି ନଂ ଓଆର୍ ୧୯ କେ ୧୪୫୧ ସହ ମୁହାଁମୁହିଁ ଧକ୍କା ହେବାରୁ ଉକ୍ତ ଦୁର୍ଘଟଣା ସ୍ଥଳ ରେ ଅର୍ପନ୍ ଦେହୁରୀ ଙ୍କ ମୃତ୍ୟୁ ହୋଇଯାଇଥିବା ବେଳେ ଗାଡ଼ିରେ ଥିବା ଅନ୍ୟ ଦୁଇଜଣ ଙ୍କ ଅବସ୍ଥା ସାଙ୍ଘାତିକ ହେବାରୁ ସେମାନଙ୍କୁ ବୁର୍ଲା ଡ଼ାକ୍ତରଖାନା କୁ ସ୍ଥାନାନ୍ତରିତ କରାଯାଇଛି । ଘଟଣା ସ୍ଥଳକୁ ଭଟଲି ପୋଲିସ ପହଞ୍ଚି ଶବ ଜବତ୍ କରିବା ସହ କେଶ୍ ନଂ ୨୯୭/୩୩୭/୩୩୮/୩୦୪ ଏ ରୁଜ୍ଜୁ କରି ଅଧିକ ତଦନ୍ତ ଜାରି ରଖିଥିବା ବେଳେ ଏ ଘଟଣା କୁ ନେଇ ସାରା ଅଞ୍ଚଳ ରେ ଶୋକ ର ଛାୟା ଖେଳିଯାଇଛି ।