ସବୁଥର ଭଳି ଏଥର ମଧ୍ୟ ଆଲୋକର ପର୍ବ ଦୀପାବଳିକୁ ଦେଶର ବୀର ଯବାନଙ୍କ ସହ ପାଳନ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଚଳିତ ଦୀପାବଳିରେ ସେ ଆଇଏନଏସ୍‌ ବିକ୍ରାନ୍ତରେ ପହଞ୍ଚି ନୌସେନାର ବୀର ଯବାନଙ୍କ ସହ ଏହାକୁ ସେଲିବ୍ରେଟ କରିଛନ୍ତି। ଗୋଆ ଓ କରୱାର (କର୍ଣ୍ଣାଟକା)ଉପକୂଳରେ ଆଇଏନଏସ୍‌ ବିକ୍ରାନ୍ତରେ ଥିବା ନୌବୀରଙ୍କୁ ପ୍ରଧାନମନ୍ତ୍ରୀ ମୋଦି ଭେଟିଛନ୍ତି।

ଶତାଧିକ ନୌବୀର ଙ୍କୁ ସମ୍ବୋଧନ କରି ପ୍ରଧାନମନ୍ତ୍ରୀ ମୋଦି କହିଛନ୍ତି ଯେ ଦୀପାବଳି ଭଳି ପବିତ୍ର ଉତ୍ସବକୁ ସେ ବୀର ଯବାନଙ୍କ ସହ ପାଳନ କରୁଥିବାରୁ ନିଜକୁ ସୌଭାଗ୍ୟ ମଣୁଛନ୍ତି। ଏଥିସହ ଆଇଏନଏସ୍‌ ବିକ୍ରାନ୍ତ କେମିତି ପାକିସ୍ତାନର ରାତିର ନିଦ ହଜାଇ ଦେଇଥିଲା, ସେକଥା ମଧ୍ୟ ମୋଦି ପୂରା ଦେଶବାସୀଙ୍କୁ ଜଣାଇଛନ୍ତି।