କେତେ ସମ୍ପତ୍ତି ଛାଡିଗଲେ ହ୍ୟୁମାନ ସାଗର.

ହ୍ୟୁମାନଙ୍କ ଦେହାନ୍ତ ଖବର ଶୁଣି ସମଗ୍ର ଓଲିଉଡ ଜଗତରେ ଶୋକର ଛାୟା ଖେଳିଯାଇଛି। ତାଙ୍କୁ ଶେଷ ଦର୍ଶନ କରିବା ପାଇଁ ଓଲିଉଡର କଣ୍ଠଶିଳ୍ପୀ, ଅଭିନେତା ଓ ତାଙ୍କ ସହ କାମ କରୁଥିବା ଲୋକମାନେ ଏମ୍ସକୁ ଛୁଟି ଆସିଥିଲେ। ପରେ ପାର୍ଥିବ ଶରୀରକୁ କଟକସ୍ଥିତ ତାଙ୍କ ବାସଭବନକୁ ନିଆଯାଇଥିଲା । ସେଠାରେ ଶୁଭେଚ୍ଛୁମାନେ ତାଙ୍କର ଶେଷ ଦର୍ଶନ କରିଛନ୍ତି ।

ପରେ ମଙ୍ଗଳବାର ସକାଳୁ ତାଙ୍କୁ ତାଙ୍କ ପୈତୃକ ଗାଁ କୁ ନିଆଯାଇଛି । ସେଠାରେ ତାଙ୍କର ଶେଷକୃତ୍ୟ ସମ୍ପନ୍ନ କାର୍ଯ୍ୟକ୍ରମ ହୋଇଛି

ହ୍ୟୁମାନ ସାଗର ଚାଲିଗଲେ ଆଉ ଛାଡିଗଲେ ତାଙ୍କର ସବୁ ସମ୍ପତ୍ତି । ତେବେ କେତେ ସମ୍ପତ୍ତିର ମାଲିକ ଥିଲେ ହ୍ୟୁମାନ ସାଗର? ଜାଣନ୍ତୁ….

ରିପୋର୍ଟ ଅନୁଯାୟୀ ଲୋକପ୍ରିୟ ଗାୟକ ହ୍ୟୁମାନ ସାଗରଙ୍କ ବାର୍ଷିକ ଆୟ ପ୍ରାୟ ୧୦ରୁ୧୨ କୋଟି ଟଙ୍କା ଥିଲା । କିଛି ଜାତୀୟ ଗଣମାଧ୍ୟମରେ ତାଙ୍କ ବାର୍ଷିକ ଆୟ ୮ରୁ୧୦ କୋଟି ଟଙ୍କା ଥିବା ନେଇ ମଧ୍ୟ ରିପୋର୍ଟ ପ୍ରକାଶ ପାଇଛି । ହ୍ୟୁମାନ ସାଗର ଗୋଟିଏ ଗୋଟିଏ ଷ୍ଟେଜ୍ ପ୍ରୋଗ୍ରାମ ପାଇଁ ୨ରୁ ୩ ଲକ୍ଷ ଟଙ୍କା ନେଉଥିଲେ । ସେହିଭଳି ଗୋଟିଏ ନୂଆ ଗୀତ ଗାଇବା ପାଇଁ ୮ରୁ୧୦ ଲକ୍ଷ ଟଙ୍କା ଚାର୍ଜ କରୁଥିଲେ ହ୍ୟୁମାନ । କେବଳ ସେତିକି ନୁହେଁ ୟୁଟ୍ୟୁବ, ବିଭିନ୍ନ ବିଜ୍ଞାପନ ବାବଦକୁ ମଧ୍ୟ ଭଲ ଟଙ୍କା ରୋଜଗାର କରୁଥିଲେ ହ୍ୟୁମାନ ସାଗର