ଶ୍ରୀ ଶ୍ରୀ ଜଗନ୍ନାଥ ନାମ ସଂକୀର୍ତନ ଲୋକକଳା ପରିଷଦର ସାଙ୍ଗଠନିକ ବୈଠକ ଅନୁଷ୍ଠିତ

ଭୁବନେଶ୍ୱର ତା19 ରିଖ ଶ୍ରୀ ଜଗନ୍ନାଥ ସଂସ୍କୃତିରେ ନାମ ସଂକୀର୍ତନ ଏକ ପ୍ରମୁଖ ଅଂଶବିଶେଷ l ଜଗନ୍ନାଥ ସଂସ୍କୃତିର ପ୍ରଚାର ପ୍ରସାର ପାଇଁ ନାମ ସଂକୀର୍ତନ କରୁଥିବା ସଂକୀର୍ତନ ମଣ୍ଡଳୀର ହଜାର ହଜାର କଳାକାର ମାନେ ପ୍ରାୟତଃ ବିଭିନ୍ନ ସମୟରେ ନାମ ସଂକୀର୍ତନ କରିଥାନ୍ତି l ଶ୍ରୀ ଶ୍ରୀ ଜଗନ୍ନାଥ ନାମ ସଂକୀର୍ତନ ଲୋକକଳା ପରିଷଦ ଦ୍ୱାରା ଗଜପତି ମହାରାଜl ଶ୍ରୀ ଶ୍ରୀ ଦିବ୍ୟସିଂହ ଦେବଙ୍କ ଉପସ୍ଥିତିରେ ଶ୍ରୀ ଜଗନ୍ନାଥ ଚେତନା ସମାରୋହରେ ଉତ୍କଳ ମଣ୍ଡପରେ ପ୍ରାୟ 5 ହଜାର ସଂକୀର୍ତନ କଳାକାର ଯୋଗଦେଇଥିଲେ l ପରବର୍ତୀ ସମୟରେ ଖୋର୍ଦ୍ଧା ଜିଲ୍ଲାର ବେଗୁନିଆ, ଭୁବନେଶ୍ୱର, ବାଲିପାଟଣା, ଟାଙ୍ଗୀ, ଖୋର୍ଦ୍ଧା ସହରରେ ହଜାର ହଜାର ସଂକୀର୍ତନ ମଣ୍ଡଳୀ ସଦସ୍ୟ ମାନଙ୍କ ଯୋଗଦାନ ସହିତ ସ୍ଥାନୀୟ ବିଧାୟକ ଓ ଜନପ୍ରତିନିଧିଙ୍କ ଉପସ୍ଥିତିରେ ସଂକୀର୍ତନ ସମାରୋହ ଏବଂ ଭାଗବତ ଗୀତା ବଣ୍ଟନ କାର୍ଯ୍ୟକ୍ରମ ମନ ଅନୁଷ୍ଠିତ ହୋଇଯାଇଛି l ପରବର୍ତୀ ସମୟରେ ଗାଁ ଗହଳି, ସ୍କୁଲ କଲେଜ ଏବଂ ଆଧ୍ୟାତ୍ମିକ କାର୍ଯ୍ୟକ୍ରମ ରେ ଜଗନ୍ନାଥ ସଂସ୍କୃତି କୁ ପ୍ରବଚକ ମାଧ୍ୟମରେ ପ୍ରଚାର ପ୍ରସାର ପାଇଁ ଆର ସି ଏମ କଲେଜ ଠାରେ ଗଜପତି ମହାରାଜl ଓ ବିଶିଷ୍ଟ ପ୍ରବାଚକ ମାନଙ୍କ ଉପସ୍ଥିତିରେ ତିନିଦିନିଆ ପ୍ରବାଚକ ପ୍ରଶିକ୍ଷଣ ଶିବିରରେ ପ୍ରାୟ ପାଞ୍ଚ ଶହ ସଂକୀର୍ତନ କଳାକାର ପ୍ରଶିକ୍ଷଣ ନେଇଥିଲେ l ସେହି କଳାକାରଙ୍କ ପଞ୍ଜିକରଣ କରି ସେମାନଙ୍କ ଜୀବନ ଜୀବିକା ର ସୁରକ୍ଷା ସହ ସରକାର ସେମାନଙ୍କୁ କଳାକାର ତାଲିକା ଭୁକ୍ତ କରିବାକୁ ଜୋରଦାର ଦାବୀ ହେଉଛି l ଆଜି ବୁଦ୍ଧମନ୍ଦିର ଠାରେ ଶ୍ରୀ ଶ୍ରୀ ଜଗନ୍ନାଥ ସଂକୀର୍ତନ ଲୋକକଳା ପରିଷଦର ସାରା ରାଜ୍ୟର ତେଇଶିଟି ଜିଲ୍ଲାର ଦୁଇଶହ କାର୍ଯ୍ୟକର୍ତାଙ୍କ ଉପସ୍ଥିତିରେ ସାଙ୍ଗଠନିକ ବୈଠକ ସଭାପତି ବାସୁଦେବ ଭଟ୍ଟଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି l ଉପଦେଷ୍ଟା ଡା କରୁଣାକର ପ୍ରଧାନ, ମନୋଜ ଜେନା,ମୁଖ୍ୟ ସଂଯୋଜକ ପ୍ରସନ୍ନ ବିଷୋୟୀ, ସମ୍ପାଦକ ସୁଦର୍ଶନ ଚମ୍ପତି,କୋଷାଧ୍ୟକ୍ଷ୍ୟ ପ୍ରସନ୍ନ ବଡ଼ଜେନା ମଞ୍ଚ ରେ ଉପସ୍ଥିତ ରହି ପରିଷଦର ବ୍ରୋଚର ଉନ୍ମୋଚନ କରି ଥିଲେ l ସଂକୀର୍ତନ କଳାକାର ଙ୍କୁ ତାଲିକା ଭୁକ୍ତ କରି ରାଜ୍ୟ ସଂସ୍କୃତି ବିଭାଗ ଦ୍ୱାରା ପରିଚୟ ପତ୍ର ପ୍ରଦାନ, ସବୁ ବୟସର ସଂକୀର୍ତନ କଳାକାରଙ୍କୁ କଳାକାର ଭତ୍ତା ପ୍ରଦାନ, ତାଙ୍କ ପରିବାରର ପିଲାମାନଙ୍କୁ ମାଗଣାରେ ପ୍ରଥମ ରୁ ଉଚ୍ଚ ଶିକ୍ଷା ଓ କାରିଗରୀ ଶିକ୍ଷା ପ୍ରଦାନ, ବୀମାକରଣ ସହ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାରେ ମାଗଣା ସ୍ୱାସ୍ଥ୍ୟ ସେବା ପ୍ରଦାନ ଆଦି ପ୍ରମୁଖ ଦାବୀ ଉପରେ ଆଜିର ବୈଠକରେ ଆଲୋଚନା ହୋଇଥିଲା l ଏଥି ସହିତ ରାଜ୍ୟରେ ପୂର୍ବ, ପଶ୍ଚିମ, ଉତ୍ତର ଓ ଦକ୍ଷିଣରେ ପରିଷଦର ଚାରିଜଣ କାର୍ଯ୍ୟକାରୀ ସଭାପତି,ଯୁଗ୍ମ ସମ୍ପାଦକ ଓ ସଂଯୋଜକ ଚୟନ କରାଯିବ l ଆଜି 19 ଜଣିଆ ଷ୍ଟିଅ ରିଙ୍ଗ କମିଟି ଗଠନ କରାଯାଇଛି l ଆଗାମୀ ଦିନରେ ଦାବୀ ପୂରଣ ପାଇଁ ରାଜଧାନୀରେ ଏକ ବିଶାଳ ସମାରୋହ ପାଇଁ ଆଜିର ବୈଠକରେ ନିଷ୍ପତି ନିଆଯାଇଛି ଆଜିର ବୈଠକରେ।