ପ୍ରେମିକକୁ ଦେଖା କରିବାକୁ ଡାକି ଜୀବନ ନେଇଗଲା ପ୍ରେମିକା

କ୍ଷେତରାଜପୁର: ପୁରା ପ୍ଲାନିଂ କରି ମୋ ସାଙ୍ଗର ଜୀବନ ନେଇ ଗଲା ସେ ଝିଅ । ମିଳି ମିଶି ଡାକି ନେଇ ମାରିଦେଲେ । ସେ ଝିଅ ମୋ ସାଙ୍ଗକୁ କଣ ଗୋଟେ ପିଇବାକୁ ଦେଲା ମୋ ସାଙ୍ଗର ମୁଣ୍ଡ ବୁଲାଇଲା । ଠିକ୍ ସେହି ସମୟରେ ମୋ କଲ୍ ସେ ରିସିଭ କରି ଏକଥା ମୋତେ ଜଣାଇଥିଲା । ତା’ ପରେ ତା ମୋବାଇଲ ସୁଇଚ୍ ଅଫ ଦେଖାଇଲା । ସନ୍ଦେହ ହେବାରୁ ଆମେ ଆସି ତାକୁ ଖୋଜିଥିଲୁ ।

ଆଉ ପାଇ ନଥିଲୁ । ଏବେ ତାକୁ ଏ ଅବସ୍ଥାରେ ଦେଖିବାକୁ ପାଉଛୁ ।

କ୍ଷେତରାଜପୁର ଥାନା ଅନ୍ତର୍ଗତ ଲକ୍ଷ୍ମୀ ଡୁଙ୍ଗରି ପାହାଡ଼ରେ ଯୁବକଙ୍କୁ ହତ୍ୟା l ଯୁବକ ଜଣକ ହେଉଛନ୍ତି ହୀରାକୁଦ ଅଞ୍ଚଳର ଅଭୟ ଦାସ l ଗତକାଲି ଅଭୟ ତାଙ୍କ ପ୍ରେମିକାକୁ ସାକ୍ଷାତ କରିବା ପାଇଁ ଲକ୍ଷ୍ମୀ ଡୁଙ୍ଗରି ପାହାଡ ନିକଟକୁ ଯାଇଥିଲେ l ଏହାପରେ ଅଭୟଙ୍କ ଆଉ କୌଣସି ପତ୍ତା ମିଳିନଥିଲା l କିନ୍ତୁ ପାହାଡ଼ ତଳେ ଅଭୟଙ୍କ ଆକ୍ଟିଭା ଗାଡି ଥୁଆ ହୋଇଥିଲା l

ସେପଟେ ତାଙ୍କ ପରିବାର ଲୋକେ ବହୁତ ଖୋଜା ଖୋଜି କରିବା ପରେ ଅଭୟଙ୍କ ଆକ୍ଟିଭାକୁ ପାହାଡ଼ ତଳେ ଛିଡା ହୋଇଥିବା ଦେଖିବାକୁ ପାଇଥିଲେ l ସନ୍ଦେହରେ ଅଭୟଙ୍କ ମାମୁ ପାହାଡ଼ ଉପରକୁ ଚଢ଼ିଥିଲେ l ପାହାଡ଼ ଉପରେ ରକ୍ତ ଛିଟା ପଡ଼ିଥିବା ଦେଖି ଆଉ ଉପରକୁ ଚଢ଼ିଥିଲେ । ଉପରେ ଅଭୟଙ୍କ ରକ୍ତ ଜୁଡୁବୁଡୁ ମୃତ ଦେହ ପଡ଼ିଥିବା ଦେଖିଥିଲେ l ତାପରେ ତୁରନ୍ତ ପୋଲିସକୁ ଖବର ଦେଇଥିଲେ l ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିବା ସହ ମରଶରୀରକୁ ଜବତ କରିଛି l

ତେବେ ଅଭୟଙ୍କୁ କିଏ ମାରିଛି ତାହା ସ୍ପଷ୍ଟ ହୋଇନାହିଁ l କିନ୍ତୁ ତାଙ୍କ ପ୍ରେମିକା ନାଁରେ ଅଭିଯୋଗ ଆଣିଛନ୍ତି ଅଭୟଙ୍କ ବନ୍ଧୁ ଓ ପରିବାର ଲୋକ । ଏନେଇ ପୋଲିସ ବିଭିନ୍ନ ଦିଗକୁ ନେଇ ତଦନ୍ତ ଜାରି ରଖିଛି l କିନ୍ତୁ ପୁଅକୁ ହରାଇ ଭାଙ୍ଗିପଡ଼ିଛନ୍ତି ପରିବାର ଲୋକେ