ହଷ୍ଟେଲରେ ଝିଅର ମୃତ୍ୟୁ ଘଟଣା ହତ୍ୟା ଅଭିଯୋଗ ଆଣିଲେ ବାପା

ମାଲକାନଗିରି ଜିଲ୍ଲା ସୀମାନ୍ତୁ ମୋଟୁ ମଧୁସୂଦନ ଉଚ୍ଚ ପ୍ରାଥମିକ ବିଦ୍ୟାଳୟ ଠାରେ ନବମ ଶ୍ରେଣୀ ରେ ପାଠ ପଢ଼ୁଥିବା ଝିଅ ପୂଜା କୁଞ୍ଜଙ୍କ ଗତ ବୁଧବାର ଦିନ ହଷ୍ଟେଲ ରୁମ ରେ ଝୁଲନ୍ତା ଅବସ୍ଥାରେ ମୃତ ଦେହ ଦେଖିବାକୁ ମିଳିଥିଲା ତେବେ ଶିକ୍ଷକ ଏବଂ ହଷ୍ଟେଲ ମେଟ୍ରୋନ ସ୍ଥାନୀୟ ପୋଲିସ କୁ ସୂଚନା ଦେବାପରେ ପୋଲିସ ଘଟଣା ସ୍ଥଳରେ ପହଞ୍ଚି 15/23 ରେ ଏକ ଅପ ମୃତ୍ୟୁ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା ତେବେ ଘଟଣା ର 24 ଘଣ୍ଟା ପରେ ଆଜି ରାୟଗଡା ଠାରୁ ଏକ ସାଇଣ୍ଟିଫିକ ଟିମ ପହଁଞ୍ଚି ଘଟଣା ର ଅନୁସନ୍ଧାନ ପରେ ମୃତ ଝିଅ କୁ ଆଜି ଫାଶୀ ରୁ ଓଲ୍ହାଇ ଶବ ବ୍ୟବଛେଦ ପାଇଁ କାଲିମେଳା ପଠାଯାଇଛି |ସେପଟେ ଝିଅ ଟି ଆତ୍ମହତ୍ୟା କରିଥିବା କୁହାଯାଉଥିବା ବେଳେ ମୃତ ଝିଅ ର ବାପା କିନ୍ତୁ ହତ୍ୟା ଅଭିଯୋଗ ଆଣିଥିବା ଦେଖିବାକୁ ମିଳିଛି |ଏନେଇ ମୃତ ଝିଅ ର ବାପା ମୋଟୁ ଥାନା ରେ ଏକ ଲିଖିତ ଅଭିଯୋଗ କରିଛନ୍ତି | ଝିଅ ଟି ଯଦି ଆତ୍ମ ହତ୍ୟା କରିଛି ତେବେ ହଷ୍ଟେଲ ଦାୟିତ୍ୱ ରେ ଥିବା ୱାର୍ଡେନ କରୁଥିଲେ କଣ ? ପିଲା ମାନଙ୍କ ଭଲ ମନ୍ଦ ବୁଝିବା ପାଇଁ ୱାର୍ଡେନ ମାନଙ୍କୁ ସରକାର ଦରମା ଦେଇ ଦାୟିତ୍ୱ ରେ ରଖିଥିବା ବେଳେ ଦାୟିତ୍ୱ କୁ ଅବହେଳା କରିଲେ କେମିତି ଯାହା ଫଳରେ ଏକ ଝିଅ ର ପ୍ରାଣ ଚାଲି ଯାଇଛି | ଘଟଣା କୁ ପୁଙ୍ଖାନୁ ପୁଙ୍ଖ ତଦନ୍ତ କରି ଦାୟିତ୍ୱ ରେ ଅବହେଳା କରିଥିବା ଲୋକଙ୍କୁ ଆଇନ ଅନୁଯାଇ ଦଣ୍ଡିତ କରାଯାଉ ବୋଲି ଦାବି କରିବା ସହ ଲିଖିତ ଅଭିଯୋଗ କରିଛନ୍ତି ମୃତ ଝିଅ ର ବାପା ଦୁଲା କୁଞ୍ଜ |