ଟାଙ୍ଗିଆରେ ହାଣି ହତ୍ୟା କରିଥିବା ହତ୍ୟାକାରୀଙ୍କୁ ଗିରୋପ କଲା ବୈପାରୀଗୁଡା ପୋଲିସ

ବୈପାରିଗୁଡ଼ା:(ଗୋମତି ପାଙ୍ଗି):- ବୈପାରିଗୁଡ଼ା ଥାନା ଅଧୀନସ୍ଥ କାଠପଡ଼ା ଗ୍ରାମପଞ୍ଚାୟତ ଅନ୍ତର୍ଗତ ସାରୁଜବା ଗ୍ରାମର ଲେରି ଗାଦବା ବୟସ (୪୫)ଙ୍କୁ ନିଜ ମାମୁ ଟାଙ୍ଗିଆରେ ହାଣି ହତ୍ୟା କରିଥିବା ଥାନାରେ ଅଭିଯୋଗ ହୋଇଥିଲା। ଲିଖିତ ଅବିଯୋଗକୁ ଭିତ୍ତିକରି ରବିବାର ଦିନ ହତ୍ୟା କରିଥିବା ମାମୁଁ ଲେରି ଗାଦବାଙ୍କୁ ଗିରଫ କରିଛି ବୈପାରିଗୁଡ଼ା ପୋଲିସ୍। ସୂଚନା ଅନୁଯାୟୀ ବୈପାରିଗୁଡ଼ା ଥାନା ଅନ୍ତର୍ଗତ କାଠପଡ଼ା ଗ୍ରାମ ପଞ୍ଚାୟତର ସାରୁଜବା ଗ୍ରାମର ଭଣଜା ଲେରି ଗାଦବା , ମାମୁ ଲେରି ଗାଦବା ଗାଁଆରେ ଜୁଆ ଖେଳ ଖେଳୁଥିଲେ । ଜୁଆ ଖେଳରେ ହାରିଯିବା ପରେ ମାମୁଁ ଭଣଜା ଭିତରେ ଆରମ୍ଭ ହୋଇଥିଲା ଯୁକ୍ତିତର୍କ । ଯୁକ୍ତିତର୍କ ଭିତରେ ସୀମିତ ନରହି ପୁଣି ଆରମ୍ଭ ହୋଇଥିଲା ବଚସା। ବଚସା ଭିତରେହିଁ ମାମୁଁ ଲେରି ଗାଦବା ବୁଝିକି ଘରକୁ ପଳେଇ ଯାଇଥିଲା। ଭଣଜା ଲେରି ଗାଦବା ରାଗରେ ଉତ୍ୟକ୍ତ ହୋଇ ଏକ ଟାଙ୍ଗିଆ ଧରି ମାମୁଁ ଘର ପର୍ଯ୍ୟନ୍ତ ପହଞ୍ଚିଥିଲା। ତେବେ ମାମୁଁ ଲେରି ଗାଦବା ଧରିଥିବା ଟାଙ୍ଗିଆକୁ ଛଡ଼େଇ ଦ୍ଵାର ମୁହଁରେ ଫିଙ୍ଗି ଦେଇଥିଲା । ଏତିକିରେ ମଧ୍ୟ ଭଣଜା ଲେରି ଚୁପ୍ ନହୋଇ ଏକ ଠେଙ୍ଗା ଉଠେଇ ମାମୁର ସ୍ତ୍ରୀ ମାଇଙ୍କୁ ମାରିବାକୁ ଉଠିଥିଲା। ତେବେ ମାମୁଁ ଲେରି ନିଜର ସ୍ତ୍ରୀକୁ ମାରିଦେବ ବୋଲି ଭାବି ରାଗରେ ଉତ୍ତ୍ୟକ୍ତ ହୋଇ ଦ୍ଵାର ମୁହରେ ଫିଙ୍ଗିଥିବା ଟାଙ୍ଗିଆ ଉଠେଇ ଭଣଜା ଲେରି ଗାଦବାଙ୍କୁ ଟାଙ୍ଗିଆରେ ହାଣି ଦେଇ ଘଟଣା ସ୍ଥଳରୁ ଫେରାର ହୋଇଯାଇଥିଲା। ତେବେ ପୋଲିସ ଘଟଣାର ତଦନ୍ତ କରି ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଥିବା ନେଇ ବୈପାରୀଗୁଡା ଥାନା ଅଧିକାରୀ ସୁଶାନ୍ତ କୁମାର ଶତପଥୀ ପ୍ରକାଶ କରିଛନ୍ତି।