ଗଂଜାମ ଜିଲ୍ଲା ପାତ୍ରପୁର ବ୍ଲକ ସୀମାନ୍ତ ଘାଟିରେ ଭ୍ୟାନ୍ ଓଲଟି ପଡ଼ିଥିଲା |

ପାତ୍ରପୁର : ଗଂଜାମ ଜିଲ୍ଲା ପାତ୍ରପୁର ବ୍ଲକ ସୀମାନ୍ତ ଘାଟିରେ ଭ୍ୟାନ୍ ଓଲଟି ପଡ଼ିଥିଲା । ଫଳରେ ଦୁଇଗୁରୁତର ଆହତ ।ଘଟଣା ଅନୁସାରେ ଗଜପତି ଜିଲ୍ଲା ମହେନ୍ଦ୍ରଗଡ଼ରୁ ଗାଡ଼ି ଯୋଗେ ଫେରୁଥିବା ସମୟରେ ରାତି ପ୍ରାୟ ୮ଟା ସମୟରେ ଗଞ୍ଜାମ ସୀମାନ୍ତ ଝଗଡାପଲ୍ଲୀ ନିକଟସ୍ଥ ଘାଟିରେ ଗାଡ଼ିଟି ନିୟନ୍ତ୍ରଣ ହରାଇ ଓଲଟି ପଡ଼ିଥିଲା । ଦୁର୍ଘଟଣାରେ ଗାଡ଼ିରେ ବସିଥିବା ଗୋଳନ୍ତରା ଅଞ୍ଚଳର ତ୍ରିଲୋଚନ ଜେନା ଓ ଅନ୍ୟଜଣେ ଗୁରୁତର ଆହତ ହୋଇଛନ୍ତି । ଗାଡ଼ିଟି ମହେନ୍ଦ୍ରଗଡ଼ରୁ ତୁରୁବୁଡ଼ି ଦେଇ ବ୍ରହ୍ମପୁର ଫେରୁଥିବା ସମୟରେ ଏହି ଅଘଟଣ ହୋଇଥିଲା । ଗାଡ଼ିରେ ମୋଟ ୫ଜଣ ଯାତ୍ରୀ ଯାତ୍ରା କରୁଥିବା ସୂଚନା ରହିଛି । ଦୁର୍ଘଟଣା ଖବର ଶୁଣି ସ୍ଥାନୀୟ ଲୋକମାନେ ଘଟଣାସ୍ଥଳରେ ପହଞ୍ଚି ଆମ୍ବୁଲାନ୍ସ ଯୋଗେ ଆହତଙ୍କୁ ନିକଟସ୍ଥ ଚିକିତ୍ସାଳୟ ନେଇଥିଲେ ।