ସାକ୍ଷୀଗୋପାଳରେ ଖାଦ୍ୟ ସୁରକ୍ଷା ଚଢ଼ାଉ:୩୦ କିଲୋ ଅସୁରକ୍ଷିତ ଖାଦ୍ୟ ନଷ୍ଟ, ୨୬,୫୦୦ ଟଙ୍କା ଜରିମାନା

ପୁରୀ ଜିଲ୍ଲାର Sakhigopal Bazar ଅଞ୍ଚଳରେ ଗତକାଲି ଖାଦ୍ୟ ସୁରକ୍ଷା ବିଭାଗର ପକ୍ଷରୁ କଡ଼ା ଚଢ଼ାଉ କରାଯାଇଛି।
୧୯ ଫେବୃୟାରୀ ୨୦୨୬ ତାରିଖରେ ପୁରୀ ଖାଦ୍ୟ ସୁରକ୍ଷା ଅଧିକାରୀ ରାଜେଶ୍ୱରୀ ପତିଙ୍କ ନେତୃତ୍ୱରେ ଖାଦ୍ୟ ସୁରକ୍ଷା ଟିମ, ଅତିରିକ୍ତ ତହସିଲଦାର ଏବଂ ସତ୍ୟବାଦୀ ଥାନା ପୋଲିସର ମିଳିତ ସହଯୋଗରେ ସାକ୍ଷୀଗୋପାଳ ବଜାର, ମନ୍ଦିର ପରିସର ଏବଂ କଡୁଆ ଅଞ୍ଚଳରେ କଡା ଯାଞ୍ଚ କରାଯାଇଥିଲା।
ଏହି ସମୟରେ ମିଳିତ ଟିମ୍ ଦ୍ଵାରା ବଜାରର ବିଭିନ୍ନ ମିଠା ଦୋକାନ ଓ ହୋଟେଲଗୁଡ଼ିକର ଖାଦ୍ୟ ସାମଗ୍ରୀ ଯାଞ୍ଚ କରିବା ସହିତ ଅସୁରକ୍ଷିତ ଓ ଅନୁଚିତ ଭାବେ ବିକ୍ରୟ ପାଇଁ ରଖାଯାଇଥିବା ପ୍ରାୟ ୩୦ କିଲୋଗ୍ରାମର ଅଖାଦ୍ୟ ଜବତ କରି ନଷ୍ଟ କରାଯାଇଛି।
ଏହି ପରିପ୍ରେକ୍ଷୀରେ ନିୟମ ଉଲ୍ଲଂଘନ କରୁଥିବା ଖାଦ୍ୟ ବ୍ୟବସାୟୀଙ୍କଠାରୁ ମୋଟ ୨୬,୫୦୦ ଟଙ୍କା ଜରିମାନା ଆଦାୟ କରାଯାଇଛି।
ଏଭଳି ଚଢାଉ ଆଗାମୀ ଦିନରେ ଜାରି ରହିବା ସହ ଅଖାଦ୍ୟ ବିକ୍ରୀ କରୁଥିବା ଦୋକାନ ହୋଟେଲ ଏବଂ ମିଠା ଷ୍ଟଲ ଉପରେ କଡା ପଦକ୍ଷେପ ଗ୍ରହଣ କରାଯିବ ବୋଲି ଖାଦ୍ୟ ସୁରକ୍ଷା ବିଭାଗ ପକ୍ଷରୁ କୁହାଯାଇଛି।