ମୁଜାଗଡ଼ ରେଞ୍ଜରେ କଲରାପତରିଆ ବାଘ ଛୁଆର ମୃତଦେହ ଉଦ୍ଧାର |

ଗଞ୍ଜାମ ଜିଲ୍ଲା ଭଞ୍ଜନଗର ସ୍ଥିତ ଉତ୍ତର ଘୁମୁସର ବନଖଣ୍ଡ ଅନ୍ତର୍ଗତ ମୁଜାଗଡ଼ ରେଞ୍ଜରୁ ଏକ ଅଭାବନୀୟ ଖବର ସାମ୍ନାକୁ ଆସିଛି। ବଜ୍ରକୋଟ ଗ୍ରାମର ସ୍କୁଲ ପଛପଟ ବୁଦା ଭିତରୁ ଏକ କଲରାପତରିଆ ବାଘ ଛୁଆର ମୃତଦେହ ଉଦ୍ଧାର କରାଯାଇଛ: ବୁଧବାର ଅପରାହ୍ନରେ କିଛି ସ୍କୁଲ ପିଲା ବୁଦା ଭିତରେ ବାଘ ଛୁଆଟି ମରି ପଡ଼ିଥିବା ଦେଖିବାକୁ ପାଇଥିଲେ। ପରେ ଗ୍ରାମବାସୀମାନେ ଏ ନେଇ ବନ ବିଭାଗକୁ ସୂଚନା ଦେଇଥିଲେ।ସୂଚନା ପାଇ ଡିଏଫଓ (DFO) ହିମାଂଶୁ ମହାନ୍ତି ଓ ମୁଜାଗଡ଼ ରେଞ୍ଜର ବିମ୍ବାଧର ସାହୁଙ୍କ ସମେତ ବନ ବିଭାଗର ଏକ ଟିମ୍ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି।

• ମୃତ ବାଘ ଛୁଆଟିର ବୟସ ପ୍ରାୟ ୧ ରୁ ୨ ବର୍ଷ ମଧ୍ୟରେ ହେବ ବୋଲି ଅନୁମାନ କରାଯାଉଛି। ପ୍ରାଥମିକ ସୂଚନା ଅନୁସାରେ, ବାଘ ଶରୀରରେ କୌଣସି ବାହ୍ୟ ଆଘାତ ଚିହ୍ନ ମିଳିନାହିଁ।
  ​ମୃତ୍ୟୁର ସଠିକ କାରଣ ଜାଣିବା ପାଇଁ ଭୁବନେଶ୍ୱରରୁ ଏକ ଜେଟିଏଫ୍ (JTF) ଟିମ୍ ଘଟଣାସ୍ଥଳରେ ପହଞ୍ଚିଛନ୍ତି। ତିନି ଜଣ ପଶୁ ଚିକିତ୍ସକଙ୍କ ଉପସ୍ଥିତିରେ ଶବ ବ୍ୟବଚ୍ଛେଦ (Post-mortem) କରାଯିବ। ବ୍ୟବଚ୍ଛେଦ ପରେ ବାଘର ଭିସେରା (Viscera) ପରୀକ୍ଷା ପାଇଁ ପଠାଯିବ, ଯାହାଦ୍ୱାରା ଏହା ସ୍ୱାଭାବିକ ମୃତ୍ୟୁ କିମ୍ବା ବିଷକ୍ରିୟା ଜନିତ, ତାହା ସ୍ପଷ୍ଟ ହେବ।
  ​ସରକାରୀ ନିୟମ (SOP) ଅନୁଯାୟୀ, ବ୍ୟବଚ୍ଛେଦ ପରେ ପଞ୍ଚାୟତ ପ୍ରତିନିଧିଙ୍କ ଉପସ୍ଥିତିରେ ବାଘ ଛୁଆର ଶବ ଦାହ କରାଯିବ।
  ​ଏହି ଘଟଣାକୁ ନେଇ ଅଞ୍ଚଳବାସୀଙ୍କ ମଧ୍ୟରେ କୌତୁହଳ ଓ ଭୟର ପରିବେଶ ସୃଷ୍ଟି ହୋଇଛି। ବନ ବିଭାଗ ଘଟଣାର ସୂକ୍ଷ୍ମ ତଦନ୍ତ ଜାରି ରଖିଛି।