ଶେଷରେ ଜିତିଲା ସତ୍ୟ: ଅବକାରୀ ମାମଲାରେ ଅରବିନ୍ଦ କେଜ୍ରିୱାଲ ନିର୍ଦ୍ଦୋଷରେ ଖଲାସ
ଦୀର୍ଘ ଦିନର ଆଇନଗତ ଲଢ଼େଇ ପରେ ଆମ ଆଦ୍ମୀ ପାର୍ଟିର ମୁଖ୍ୟ ତଥା ଦିଲ୍ଲୀର ପୂର୍ବତନ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ମିଳିଛି ବଡ଼ ଆଶ୍ୱସ୍ତି। ବହୁଚର୍ଚ୍ଚିତ ଦିଲ୍ଲୀ ଅବକାରୀ ନୀତି ମାମଲାରେ ଶୁକ୍ରବାର ଦିନ ରାଉଜ୍ ଆଭେନ୍ୟୁ କୋର୍ଟ ତାଙ୍କୁ ସମସ୍ତ ଅଭିଯୋଗରୁ ମୁକ୍ତ କରିବା ସହ ନିର୍ଦ୍ଦୋଷରେ ଖଲାସ କରିଛନ୍ତି।
ବିଚାରପତି ଜିତେନ୍ଦ୍ର ସିଂହ ଏହି ମାମଲାର ଶୁଣାଣି କରି କହିଛନ୍ତି ଯେ, ସିବିଆଇ (CBI) ଦାଖଲ କରିଥିବା ଚାର୍ଜସିଟ୍ରେ କୌଣସି ଶକ୍ତ ପ୍ରମାଣ ନାହିଁ। କୋର୍ଟଙ୍କ ମୁଖ୍ୟ ପଏଣ୍ଟଗୁଡ଼ିକ ହେଲା:କେଜ୍ରିୱାଲ କିମ୍ବା ମନୀଷ ସିସୋଦିଆଙ୍କ ବିରୋଧରେ କୌଣସି ଅପରାଧିକ ଷଡ଼ଯନ୍ତ୍ରର ପ୍ରମାଣ ମିଳିନାହିଁ।
କେବଳ କେଜ୍ରିୱାଲ ନୁହଁନ୍ତି, ବରଂ ମନୀଷ ସିସୋଦିଆ ଏବଂ ଅନ୍ୟ ୨୧ ଜଣ ଅଭିଯୁକ୍ତଙ୍କୁ ମଧ୍ୟ କୋର୍ଟ ନିର୍ଦ୍ଦୋଷ ସାବ୍ୟସ୍ତ କରିଛନ୍ତି।
କୋର୍ଟ କହିଛନ୍ତି ଯେ କେବଳ ଅନୁମାନ ଆଧାରରେ କାହାକୁ ଦୋଷୀ କୁହାଯାଇପାରିବ ନାହିଁ।
ଏହି ରାୟ ପରେ ଆମ ଆଦ୍ମୀ ପାର୍ଟି ଶିବିରରେ ଉତ୍ସବର ମାହୋଲ ଦେଖିବାକୁ ମିଳିଛି। ଦଳ ପକ୍ଷରୁ କୁହାଯାଇଛି ଯେ, ଏହା କେବଳ କେଜ୍ରିୱାଲଙ୍କ ବିଜୟ ନୁହେଁ, ବରଂ ଭାରତୀୟ ନ୍ୟାୟପାଳିକା ଉପରେ ସାଧାରଣ ଜନତାଙ୍କ ବିଶ୍ୱାସର ବିଜୟ। ଅନ୍ୟପଟେ, ସିବିଆଇ ଏହି ରାୟ ବିରୋଧରେ ଉପରିସ୍ଥ କୋର୍ଟରେ ଆବେଦନ କରିପାରେ ବୋଲି ସୂଚନା ମିଳୁଛି।
More Stories
କଟକ ଜିଲ୍ଲାରେ ଅବକାରୀ ବିଭାଗର ଘନ ଘନ ଚଢ଼ାଉ, ବିପୁଳ ପରିମାଣର ମାଦକ ଦ୍ରବ୍ୟ ଜବତ ।
ଗୋ-ମାଂସ ଜବତ ବେପାରୀ ଗିରଫ!
ପ୍ରଶାସନ ନିଦ୍ରାରେ, ଗ୍ରାମବାସୀ ଜାଗ୍ରତ