ବିଶିଷ୍ଟ ନ୍ୟୁରୋସର୍ଜନ୍ ପ୍ରଫେସର ଡାକ୍ତର ସୁରେଶ୍ୱର ମହାନ୍ତିଙ୍କ ପରଲୋକ |

ଭୁବନେଶ୍ୱର, ୧୦ ଏପ୍ରିଲ: ଓଡିଶାର ପ୍ରସିଦ୍ଧ ନ୍ୟୁରୋସର୍ଜନ ଓ ଶିକ୍ଷାବିତ ପ୍ରଫେସର (ଡାକ୍ତର) ସୁରେଶ୍ୱର ମହାନ୍ତିଙ୍କର ଶୁକ୍ରବାର ପରଲୋକ ହୋଇଛି। ମୃତ୍ୟୁବେଳେ ତାଙ୍କୁ ୮୩ ବର୍ଷ ହୋଇଥିଲା ଏବଂ ସେ ଦୀର୍ଘଦିନ ଧରି ଅସୁସ୍ଥ ଥିଲେ। IMS & SUM Hospitalରେ ଚିକିତ୍ସାଧୀନ ଅବସ୍ଥାରେ ସେ ଶେଷ ନିଶ୍ୱାସ ତ୍ୟାଗ କରିଥିଲେ।

ସେ SOA ବିଶ୍ୱବିଦ୍ୟାଳୟର IMS & SUM Hospitalର ପ୍ରଥମ ଅଧ୍ୟକ୍ଷ ଥିଲେ। SCB Medical College, କଟକରୁ MBBS ପରେ AIIMS, ନୂଆଦିଲ୍ଲୀରୁ ନ୍ୟୁରୋସର୍ଜରୀରେ ଉଚ୍ଚ ଶିକ୍ଷା ଗ୍ରହଣ କରିଥିଲେ।

ସେ Banaras Hindu Universityର Institute of Medical Sciencesରେ ବିଭାଗ ମୁଖ୍ୟ ଓ ନିର୍ଦ୍ଦେଶକ ଭାବେ ସେବା ଦେଇଥିଲେ। ତାଙ୍କର ୧୫୦ରୁ ଅଧିକ ଗବେଷଣା ପ୍ରବନ୍ଧ ପ୍ରକାଶିତ ହୋଇଛି।

ଡାକ୍ତର ବି.ସି. ରାୟ ସମ୍ମାନ ସହିତ ଅନେକ ପୁରସ୍କାରରେ ସମ୍ମାନିତ ମହାନ୍ତି ବିଦେଶର ବିଭିନ୍ନ ପ୍ରସିଦ୍ଧ ସଂସ୍ଥାରେ ଭିଜିଟିଂ ପ୍ରଫେସର ଥିଲେ।

ତାଙ୍କ ବିୟୋଗରେ ଚିକିତ୍ସା ଓ ଶିକ୍ଷା କ୍ଷେତ୍ରରେ ଅପୂରଣୀୟ କ୍ଷତି ଘଟିଛି।