ଜୁଆଡ଼ିଙ୍କ ଘରେ ଚଢ଼ାଉ: ୧୦ ଲକ୍ଷରୁ ଊର୍ଦ୍ଧ୍ୱ ଟଙ୍କା ସହ କୋଟିଏ ଟଙ୍କାର ଗହଣା ଜବତ, ୪ ଅଟକ

ଦୀର୍ଘଦିନରୁ ଚାଲି ଆସୁଥିବା ଏକ ଜୁଆଆଡ୍ଡାରେ ପୋଲିସ ଚଢ଼ାଉ କରି ୧୦ ଲକ୍ଷରୁ ଅଧିକ ଟଙ୍କା ଓ ପ୍ରାୟ କୋଟିଏ ଟଙ୍କାର ଗହଣା ଜବତ କରିଛି। ସୋମବାର ସକାଳେ ଜୁଆ ମାମଲା ସହିତ ଜଡ଼ିତ ସେକ୍ଟର -୧୫ ପୋଲିସ ସୀମା ଅନ୍ତର୍ଗତ ଲୁଆକେରା ଗ୍ରାମରେ ଜୁଆଡ଼ିଙ୍କ ଘରେ ରାଉରକେଲା ପୋଲିସ ଏକ ଚଢ଼ାଉ କରିଥିଲା। ଏବେ ମଧ୍ୟ ଚଢ଼ାଉ ଜାରି ରହିଛି। ଅନେକ ଆପତ୍ତିଜନକ ଜୁଆ ସାମଗ୍ରୀ ଏବଂ ୧୦ ଲକ୍ଷରୁ ଅଧିକ ନଗଦ ଜବତ ହୋଇଥିବା ଜଣାପଡ଼ିଛି। ୪ ଜଣଙ୍କୁ ଅଟକ ରଖି ପୋଲିସ ପଚରାଉଚରା କରୁଛି।